Ko ha Pōpoaki faka-Konifelenisi mei he Palōfitá
Ko Hotau Fakavaʻe Mālohí
Toʻo mei he “Ko e Temipalé mo Hoʻo Fakavaʻe Fakalaumālié,” Liahona, Nōv. 2021.
Naʻe langa ʻa e Temipale Sōlekí ʻi he taʻu ʻe 100 tupu kuohilí. Naʻe langa ia ʻe he kau paioniá ʻaki e ʻū meʻangāue ʻo e taimi ko iá. ʻOku fisifisimuʻa ia. Ka ʻo kapau te tau sio fakalelei ki he fakavaʻé, te tau lava ʻo fakatokangaʻi kuo motuʻa ha ngaahi fuʻu maka ʻe niʻihi ʻi he fakalau atu ʻa e taimí. Te tau lava foki ʻo sio ki ha ngaahi foʻi ava ʻi he vahaʻa maká mo ha ngaahi fuʻu maka ʻoku ngaungaue.
ʻOku lolotonga ngāue ʻa e kau ʻenisiniá, kau tā palaní, mo e kau tufungá ke ngaohi e fakavaʻe ʻo e temipalé ke toe mālohi ange. ʻI he taimi ʻe ʻosi ai ʻenau ngāué, ʻe mālohi feʻunga e temipalé ke ne matuʻuaki e ngaahi mofuiké mo e ngaahi matangi mālohí. ʻE mālohi feʻunga ia ke tolonga ʻo laulaui taʻu.
Kuo pau ke tau langa e makatuʻunga ʻo ʻetau moʻuí ʻi he maka ʻo hotau Huhuʻi ko Sīsū Kalaisí. ʻI he taimi ʻe tō mai ai e ngaahi mofuike fakalaumālié, te tau lava moʻoni ʻo matuʻuaki.
ʻOku tokoni e meʻa kotoa pē ʻoku tau ako ʻi he temipalé ke mahino lahi ange ʻa Sīsū Kalaisi kiate kitautolu. ʻI he taimi ʻoku fakavaʻe mālohi ai ho makatuʻunga fakalaumālié ʻia Sīsū Kalaisí, ʻoku ʻikai totonu ia ke ke manavahē. ʻE fakamālohia koe ʻe Hono mālohí.
Ko Sīsū Kalaisi ʻa Hoku Fakavaʻe Paú
Toʻohemá: Tā fakatātā ʻo e temipalé ʻe Bailey Rees; Tā ʻo Palesiteni Nalesoni ʻi he angalelei ʻa e Church News; Toʻomataʻú: tā fakatātā ʻa Bryan Beach