Përshëndetje nga Papua Guinea e Re!

Mëso rreth fëmijëve të Atit Qiellor kudo nëpër botë.

Papua Guinea e Re është një vend ishullor në Oqeanin Paqësor. Ai mbulon një të dytën e ishullit të Gunesë së Re. Atje jetojnë më shumë se 8 milionë njerëz!

Gjuhët

Papua Guinea e Re ka më shumë gjuhë sesa çdo vend në botë, rreth 840 gjuhë!

Yu stap gut?

Në tok-pisinisht do të thotë “si jeni?”.

Godinat Kishtare

Në Papua Guinenë e Re ndodhin shpesh përmbytje. Ndaj ndërtesat e kishës atje janë të ndërtuara mbi këmbalecë. Kur vjen një përmbytje, anëtarët mund të vozisin me kanoet e tyre deri te dera.

Zogjtë e Xhunglës

Zogjtë e parajsës janë zogj të ndrojtur të xhunglës. Zogjtë meshkuj kanë krahë shumë të bukur dhe shumëngjyrësh. Një zog i llojit “paradisaea raggiana” është i paraqitur në flamurin e vendit.

[Festimet] “Sing‑Sings”

Fiset në Papua Guinenë e Re mblidhen për të kënduar, vallëzuar, për të ndarë traditat dhe për të zënë miqësi. Më shumë se 100 fise i bashkohen [festimit] më të madh “sing‑sing” çdo vit!

Veprimtaria

Fluturat Gjigante

Papua Guinea e Re ka llojin më të madh të fluturave! Krijoje vetë fluturën tënde. Mblidh shkopinj, gjethe dhe lule për të krijuar formën. Përdor vizoren në anën e djathtë për të matur përmasat e krahëve të fluturës tënde.

Krahët e fluturës tropikale Mbretëresha Aleksandër e llojit “ornithoptera alexandrae”: 28 cm

Receta

Pulë në Tenxhere

Kjo është një recetë tradicionale në Papua Guinenë e Re. Ja një variant që mund ta provosh!

1. Hidh 1 kg pulë të prerë në copa në një tenxhere dhe shto 1/2 lugë gjelle vaj gatimi. Shtoji 1 lugë çaji [nga erëza] e pluhurit të kërrit dhe 1 lugë çaji kripë.

2. Prit në copa 1 patate të ëmbël (ose perime sipas dëshirës) dhe 1 tufë qepë të njoma [28–56 gr.]. Shtoji ne tenxhere bashkë me 1 gotë kokrra misri.

3. Hidh 1/2 gotë krem arre kokosi mbi perimet dhe mishin. Vërja kapakun tenxheres dhe ngrohe derisa të vlojë me nxehtësi të ulët. Lëre të ziejë për 30–40 minuta.

Sigurohu që të të ndihmojë një i rritur!

Ilustrimet nga Zhen Liu