Jakobi dhe Nefi e Panë Jezusin

Jakobi ishte vëllai më i vogël i Nefit. Ai lindi pasi familja e tyre u largua nga Jerusalemi. Jakobi erdhi në tokën e premtuar kur ishte fëmijë.

Edhe Jakobi, edhe Nefi e panë Jezu Krishtin. Ata i ndanë dëshmitë e tyre me familjet e tyre për t’i ndihmuar ata që të mësonin rreth Jezusit.

Ata treguan fjalët e profetit Isaia gjithashtu. Isaia gjithashtu e kishte parë Jezusin dhe shkroi rreth Tij në shkrimet e shenjta. Jakobi dhe Nefi i përdorën fjalët e Isaias nga shkrimet e shenjta për t’u dhënë mësim familjeve të tyre rreth Jezusit.

Ata dhanë mësim se Jezusi do të vinte në tokë. Ai do të vdiste dhe do të jetonte sërish. Ata e dhanë dëshminë e tyre për Jezu Krishtin në mënyrë që familjet e tyre ta prisnin me padurim ardhjen e Tij.