« Te pe’era’a ia Iesu i Vanuatu », Hoa, Mē 2024, 10–11.
Te pe’era’a ia Iesu i Vanuatu
Fārerei ia Emma !
E mea nāhea Emma i te pe’e ia Iesu
E pe’e Emma ia Iesu Mesia ma te hāmani-maita’i-ra’a. Tē hina’aro nei ’oia ’ia riro ’ei hoa nō te tā’āto’ara’a ! E mea au nāna e paraparau i te ta’ata ’e e ha’uti i te mau ha’uti ’e te tahi atu mau tamari’i. « Mea au nā’u e ha’uti ’e tō’u mau hoa ’e ’ia hōro’a nā rātou i te mau tao’a hōro’a, nō te mea ’ua here au i te ta’ata », tē parau ra Emma. I te tahi taime e hāmani ’oia i te mau tāreta nā tōna mau hoa ’e tōna ’utuāfare.
E tauturu ato’a Emma i tōna māmā ’ia ha’apa’o i tōna nā taea’e ’aiū maeha’a. E tauturu ’oia i te hāmani i te mā’a nā tōna ’utuāfare ’e e hōro’a i tōna nau taea’e ’aiū i tā rāua mōhina tītī. « E ’ite au te au maita’i ’e te ’oa’oa ’ia tauturu ana’e au. ’Ua ’ite au ē, e ha’amaita’i mai te Metua i te ao ra iā’u, » te nā reira ra Emma.
Nō ni’a ia Emma
Matahiti : 10
Nō : Shefa, Vanuatu
Mau reo : Peretāne, Bislama, Fiti
Te mau fā : 1) Haere i te misiōni. 2) Riro ’ei pairati manureva.
Mau fa’a’ana’anataera’a : Te ’aura’a ’e te karaoke
’Utuāfare : Emma, māmā, pāpā, hō’ē tuahine ’e e piti taea’e
Te mau mea au-roa-hia e Emma
’Ā’amu o te Buka a Moromona : Tē fa’aru’e ra Lehi ’e tōna ’utuāfare ia Ierusalema (hi’o 1 Nephi 2)
Peu tumu i te tau fa’afa’aeara’a : Hōro’a i te monamona ’e te mau tāreta i te mau hoa nō te Pāsa
Te mau hotu ’e te mau pota : Te mei’a, te ’āpara, te ’ānani, te merēni, te pota ’e te taroti
’Ū : Tārona
Hīmene paraimere : « Ensemble à tout jamais » (Chants pour les enfants, 98)