« Tē pure nei te nūna’a o Alama i roto i tō rātou ’ā’au », Hoa, Mē 2024, 26–27.
Mau ’ā’amu nō te pāpa’ira’a mo’a
Tē pure nei te nūna’a o Alama i roto i tō rātou ’ā’au
Fa’ahōho’ara’a nā Andrew Bosley
E peropheta Alama tei ha’api’i i te nūna’a. Tē feiā tei ti’aturi ’ua bāpetizohia ïa. ’Ua rave rātou i te hō’ē fafaura’a ’ia pe’e i te Atua.
’Ua riro mai te hō’ē ta’ata ’ino ’o Amulona te i’oa, ’ei fa’atere i ni’a i te nūna’a o Alama. E mea ’ino roa ’oia i ni’a ia rātou. ’Ua fa’aamo ’oia ia rātou i te mau hōpoi’a teimaha.
’Ua pure Alama ’e tōna mau ta’ata nō te ani i te tauturu. ’Ua ha’amau rā Amulona i te hō’ē ture, e taparahi-pohe-hia te ta’ata e pure ra.
’Ua fa’aea te ta’ata i te pure pūai. Terā rā, ’ua tāmau noa rātou i te pure i roto i tō rātou ’ā’au ’e tō rātou ferurira’a. ’Ua pāhono mai te Atua i tā rātou mau pure !
’Ua ’ite te Atua ē, ’ua rave rātou i te hō’ē fafaura’a ’e ’ōna. ’Ua fafau ’oia e ha’apūai ia rātou. ’Ua tāmāhanahana ’oia ia rātou ’e ’ua ha’amāmā i tā rātou hōpoi’a. I muri iho, ’ua tauturu ato’a te Atua ia rātou ’ia horo ’ē ia Amulona ’e ’ia rātere i te vāhi pāruruhia.