« Fārerei ia Elder Patrick Kearon », Hoa, Mē 2024, 7.
’Āpōsetolo ’āpī tei pi’ihia
Fārerei ia Elder Patrick Kearon
Tīpe’ehia mai roto mai, « The ‘beautiful’ and ‘stretching’ life experiences that prepared Elder Kearon to be an Apostle », Church News, 23 nō Tēnuare 2024.
’O Elder Patrick Kearon te melo ’āpī roa a’e nō te pupu nō te Tino ’Ahuru Ma Piti ’āpōsetolo ! ’Ua fānauhia ’oia ’e ’ua pa’ari i Peretāne. ’Ua ora ato’a ’oia ’e tōna ’utuāfare i Arapia tāuti, i reira tōna metua tāne i te ’ohipara’a. ’Ua pi’ihia ’oia ’ei ’āpōsetolo i te 7 nō Tītema 2023.
’Ei taure’are’a pa’ari, ’ua fārerei Elder Kearon i te tahi mau misiōnare i Lonedona, nā te ’Ēkālesia a Iesu Mesia i te Feiā Mo’a i te Mau Mahana Hope’a nei, ’aita rā ’oia i ’ana’anatae i tā rāua poro’i. A muri a’e, ’ua ha’amata te mau misiōnare i te ha’api’i iāna nō ni’a i te ’evanelia ’e ’ua putapū ’oia i te Vārua Maita’i. ’A ’apo rahi noa ai ’oia nō ni’a i te ’Ēkālesia, ’ua fa’ari’i Elder Kearon i te hō’ē ha’amaita’ira’a autahu’ara’a. ’Ua parau ’oia ē, e ’ohipa nehenehe mau tei tauturu iāna ’ia rave i te fa’aotira’a e tomo mai i roto i te ’Ēkālesia. ’Ua bāpetizohia ’oia i te pō Noela, i te 26ra’a o tōna matahiti.
E maha tamari’i tā Elder Kearon rāua tāna vahine ’o Jennifer. ’Ua pohe tā rāua tamari’i mātāmua i tōna pēpera’a. E taime ’oto mau teie nō Elder Kearon ’e te tuahine Kearon. ’Ua tauturu rā te reira i te ha’apūai i tō rāua fa’aro’o i te ti’afa’ahoura’a ’e i te ’evanelia a Iesu Mesia. ’Ua pi’ihia ’o Elder Kearon ’ei tino nō te Hitu ’Ahuru huimana fa’atere rahi i te matahiti 2010. E mea au nāna ’ia ’ite i te mau melo o te ’Ēkālesia tē tauturu ra i te ta’ata ’ati a’e i te ao nei.
’Ua māuruuru Elder Kearon nō te fa’anahora’a nō te fa’aorara’a. ’Ua ’ite ’oia ē, noa atu e mau taime fifi, e nehenehe noa tātou e putapū i te here o te Metua i te ao ra ’e o te Fa’aora.