Fa’aro’ora’a i te Vārua Maita’i

Nā Warner B., 11 matahiti, Utaha, Marite

I te hō’ē mahana, i te hō’ē pō ’utuāfare, ’ua paraparau tō’u māmā nō ni’a i te Vārua Maita’i. ’Ua parau ’oia ē, pinepine te Vārua Maita’i i te paraparau mai ma te hōro’ara’a mai ia ’outou i te hō’ē mana’o i roto i tō ’outou ferurira’a.

I tōna paraura’a mai i te reira, ’ua māere-roa-hia vau. ’Āraua’e nei, ’ua pure au ’e ’ua ani au i tō’u Metua i te ao ra ’ia tauturu mai iā’u, ’ia fa’aro’o i te Vārua Maita’i. ’Aita rā vau i ’ite ē, e nehenehe te Vārua Maita’i e paraparau mai iā’u mai te reira i roto i tō’u ferurira’a. I tō’u orara’a tā’āto’a, ’ua fa’ari’i au i te mau mana’o ’o tē arata’i nei iā’u ’ia mā’iti i te maita’i. I teienei, ’ua ’ite au ē, nō ’ō mai teie mau mana’o i te Vārua Maita’i ra !

Mai taua taime ra, ’ua rahi roa atu ā tō’u ’ite-māite-ra’a i te Vārua Maita’i. I te sābati i ma’iri a’enei, ’ua fa’atupu fa’ahou mātou i te pō ’utuāfare. I teie nei nō ni’a ïa i te mau ’itera’a pāpū. ’Aita vau i ’ite pāpū maita’i e aha te hō’ē ’itera’a pāpū, nō reira ’ua ani au i tō’u Pāpā. ’Ua parau mai ’oia ē, te hō’ē ’itera’a pāpū ’o te hō’ē ïa mea tā ’oe i ’ite ’aore rā i ti’aturi e parau mau. ’Ua parau ’oia ē, e fa’ari’i tātou i tō tātou ’itera’a pāpū nā roto mai i te Vārua Maita’i. Mana’o a’era vau i te taime ’a ha’amata ai au i te ’ite māite atu ā i te Vārua Maita’i, ’e i reirara’a ihoā ! E ’itera’a pāpū ato’a tō’u !

Te ’itera’a i te reira, ’ua putapū vau i te oa’oa rahi mau. ’Ua hina’aro vau ’ia riro ’ei pipi maita’i a’e nā Iesu Mesia ’e e fa’aro’o tāmau noa i te Vārua Maita’i.

Fa’ahōho’ara’a nā Brenna Vaughan