E aha tā ’oe e mana’o ra ?

Nāhea vau e ’ite ai ’o te Vārua Maita’i ānei ’aore rā ’o vau ?

—Manihini i Paris

E te manihini here ē,

Tē arata’i nei paha te Vārua Maita’i ia ’oe hau atu i tā ’oe e mana’o nei. Mai te mea ’ua bāpetizohia ’e ’ua ha’amauhia ’oe ’e tē rave nei mai tā ’oe e nehenehe ’ia ha’apa’o i te mau fa’auera’a, e « vai noa tōna Vārua i roto ia [’oe] » (Te Ha’api’ira’a Tumu ’e te mau Fafaura’a 20:77). E nāhea rā ’oe e ’ite ai ?

E arata’i te Vārua Maita’i ia tātou « ’ia rave i te ’ohipa maita’i » (Te Ha’api’ira’a Tumu ’e te mau Fafaura’a 11:12) ’e e tauturu ia tātou ’ia « ’ite … i te parau mau o te mau mea ato’a ra » (Moroni 10:5). Mai te mea e mana’o tō ’oe nō te rave i te hō’ē ’ohipa maita’i ’aore rā te nino’a mana’o o te here nō te Fa’aora, e mea pāpū nō ’ō mai te reira i te Vārua Maita’i !

I te rahira’a o te taime, e’ita te Vārua Maita’i e fa’a’ohipa i te hō’ē reo pūai ’e e’ita e hōro’a mai ia ’oe i te hō’ē ’ā’āina [émotion] rahi roa. E mea marū ’e te hau te reira. E tītau te ha’api’ira’a mai ’ia pe’e i te Vārua Maita’i i te fa’a’ohipara’a.

E nehenehe ’oe e nā reira !

Te Hoa

E tūrama te mau mana’o ’e te mau nino’a mana’o o te Vārua Maita’i i tō tātou ’ē’a ho’ira’a i tō tātou Metua i te ao ra ra. ’A fa’a’ū i te ’amapura [ampoule] tāta’itahi, ’a tai’o ai ’oe i te tahi mau rāve’a e nehenehe ai te Vārua Maita’i e taututu ia ’oe.

E nehenehe te Vārua Maita’i e…

• fa’a’ī iā’u i te here, te oa’oa, te hau, te fa’aro’o ’e te tīa’ira’a.

• hōro’a iā’u i te mau mana’o nō te tauturu ’e nō te tāvini.

• tauturu iā’u ’ia ha’amana’o i te mau ’ohipa maita’i.

• tauturu iā’u ’ia ’ite e aha te parau mau.

• tauturu iā’u ’ia hāro’aro’a i te mea tā’u e ’apo mai nei.