« Te mana o te hiero », Hoa, Mē 2024, 2–3.
E parau poro’i nā te peropheta i te ’āmuira’a
Te mana o te hiero
Tīpe’ehia mai roto mai « ’A ’oa’oa i te hōro’a o te mau tāviri o te autahu’ara’a », Liahona, Mē 2024, 119–21.
I te ’āva’e Māti, ’ua ho’o mai Te ’Ēkālesia a Iesu Mesia i te Feiā Mo’a i te Mau Mahana Hope’a nei i te hiero nō Kirtland. E tuha’a faufa’a rahi teie hiero nō te fa’aho’i-fa’ahou-ra’a mai o te ’evanelia a Iesu Mesia.
I te 3 nō ’Ēperēra 1836, ’ua fā Iesu Mesia ia Iosepha Semita ’e Oliver Cowdery i te hiero nō Kirtland. ’Ua fa’ari’i te Fa’aora i te hiero ’ei fare nōna. I parau fafau ai ’oia ē : « E fa’a’ite atu vau iā’u iho i tō’u mau ta’ata ma te aroha i roto i teie nei fare » (Te Ha’api’i’ra’a Tumu ’e te mau Fafaura’a 110:7). E tano teie fafaura’a nō te mau hiero ato’a i teie mahana.
I te hiero, e nehenehe ’outou e fa’ari’i i te pāhonora’a i tā ’outou pure. E nehenehe ato’a ’outou e fa’ari’i i te fa’aro’o, te pūai, te tāmāhanahana, te ’ite ’e te mana. E tauturu te taime i roto i te hiero ia ’outou ’ia feruri tiretiera ’e ’ia hi’o ’o vai mau ’outou ’e ’o vai tā ’outou e nehenehe e riro mai. E tauturu te reira ia ’outou ’ia māramarama e nāhea ’outou i te fa’aō i roto i te fa’anahora’a fa’ahiahia a te Atua. Tē parau fafau nei au ia ’outou i te reira.
Hiero nō Ketelani
’Ohipa tāpūpū
Tāpūpū ’ati a’e i te hiero nō Kirtland. I muri iho e tūfetu nā ni’a i te rēni periotahia ’e e tāpiri i te mau papa’i ’e te tāpo’i fare.
E aha te hiero nō Kirtland ?
’Ua patuhia te hiero nō Kirtland i Kirtland, i Ohio, i te Fenua Marite, i te matahiti 1836. ’O te hiero mātāmua nō te ’Ēkālesia i fa’aho’i-fa’ahou-hia mai.
I muri a’e, ’ua tītauhia i te mau melo o te ’Ēkālesia ’ia vaiiho i te reira i muri nō te haere i te pae tō’o’a o te rā. Nā te tahi atu ’ēkālesia i aupuru i te reira e rave rahi matahiti te maoro. ’Aita i maoro a’enei, ’ua ho’o mai Te ’Ēkālesia a Iesu Mesia i te Feiā Mo’a i te Mau Mahana Hope’a nei i teie hiero.
Hōho’a pēni nā David Green