’Ia ora na nō Vanuatu mai !

’A ha’api’i mai nō ni’a i te mau tamari’i a te Metua i te ao ra ’ati a’e te ao nei.

Vanuatu ’o te hō’ē ïa fenua motu māhanahana i roto i te moana Pātifita. ’Ua hau i te 300 tauatini ta’ata e ora ra i reira !

Reo

Te bislama, te reo peretāne ’e te reo farāni, ’o te mau reo mana ïa. Fātata pauroa te ta’ata e paraparau i te reo Bislama !

Tangkyu.

Te aura’a ra, « māuruuru » i roto i te reo Bislama !

Te Buka a Moromona

Te mau melo o te ’Ēkālesia ’e te Buka a Moromona nā roto i te reo Bislama

’Ua ’īritihia te Buka a Moromona nā roto i te reo Bislama i te matahiti 2004. Mai taua taime ra, tei te ārea e 8 000 ta’ata hau atu tei tomo mai i roto i te ’Ēkālesia i Vanuatu !

Motu māhanahana

Te pae tahatai ’e te poti

’Ua mātauhia Vanuatu nō tōna mau tahatai nehenehe ’e te pape nīnamu māramarama. Tē vai ra te tahi mau pae tahatai e one ’ere’ere !

Moni ’ū rau

Te moni Vanuatu ’e hō’ē manu nō te fenua māhanahana

E moni ’ū rau māramarama tō Vanuatu ’o tē fa’a’ite ra i te mau tupura’a o te orara’a i ni’a i te mau motu, ’oia ato’a te mau rā’au ’e te mau ’ānimara e ora ra i reira.

’Ātivite

Hei tiare

Hāmanira’a i te hei tiare ’api parau

Nō te mau fa’a’oa’oara’a ’e te mau ’ōro’a, e ’ō’omo mai te ta’ata i Vanuatu i te mau hei tiare ’ū rau.

Tāpū i te ’api parau ’ū rau ’ei hōho’a tiare. E pātia i te hō’ē ’āpo’o na’ina’i i rōpū i te tiare tāta’itahi. Tāpū mai i te hō’ē taura e tano maita’i te roa, nō te hā’ati i tō ’oe upo’o. E tui i te mau tiare ’api parau i ni’a i te taura. I muri iho e tā’amu i nā hope’a o te taura. ’Ua ineine tō ’oe hei nō te ’ō’omo !

Tāpura hāmanira’a mā’a

Faraoa monamona ha’ari

Faraoa monamona ha’ari

Te faraoa monamona ha’ari o te hō’ē ïa faraoa monamona tu’iro’o i Vanuatu. Teie te hō’ē tāpura hāmanira’a mā’a tā oe e nehenehe e tāmata !

1. ’A fa’arapu 1/2 ’āu’a tihota ’e 3/4 ’āu’a pata tahe i roto i te hō’ē ’āu’a rahi.

2. ’A tu’u e 2 huero moa ’e ’a fa’arapu.

3. ’A ’āno’i atu i roto e 1/2 ’āu’a faraoa ota, 1 ’āu’a mā’a ha’ari tei ’anahia, ’e 1 punu taipu na’ina’i hopue.

4. Mani’i i roto i te hō’ē fāri’i faraoa monamona menene, ma te paraihia i te pata ’e ’a tunu e 20 minuti te maoro i te anuvera 150 °C.

’Ia pāpū maita’i ē, e ta’ata pa’ari tē tauturu ra ia ’oe !

Fa’ahōho’ara’a nā Anna Oldroyd