Ha’api’i mai nō ni’a i te Buka a Moromona

’O vai te ari’i Beniamina ?

E peropheta te ari’i Beniamina nā te Atua ’e e ari’i parauti’a. ’Ua ha’aputuputu ’oia i tōna mau ta’ata nō te ha’api’i ia rātou. ’Ua ti’a ’oia i ni’a i te hō’ē pare ’ia rahi atu ā te ta’ata e fa’aro’o iāna. ’Ua fa’ati’a te ta’ata i te mau fare ’ie ’ati a’e te pare nō te fa’aro’o. E au te reira mai te ’āmuira’a rahi !

’Ua ha’api’i te ari’i Beniamina ē, e fānauhia mai Iesu Mesia i te fenua nei. E rave Iesu i te mau temeio. E māuiui ’oia ’e e pohe nō te mau hara a te mau ta’ata ato’a. I muri iho, e ti’afa’ahou mai ’oia ’ia nehenehe ia tātou pā’āto’a ’ia ora fa’ahou !

’Ua ani manihini te ari’i Beniamina i te ta’ata ’ia rave i ni’a ia rātou i te i’oa o te Mesia. Te aura’a o te reira, e rave rātou i te hō’ē fafaura’a, ’aore rā te hō’ē parau fafau, ’ia pe’e i te Atua ’e ’ia ha’apa’o i tāna mau fa’auera’a.

I teie mahana, tē fa’a’ite nei tātou ē, ’ua ineine tātou i te rave i te i’oa o te Mesia i ni’a ia tātou, ’a bāpetizohia ai tātou.

’A hāmani i te hō’ē ’ohipa ’o tē fa’aha’amana’o ia ’oe i te mea tā te mau peropheta a te Fatu i ha’api’i. ’A fa’a’ite mai ia mātou e aha tā ’oe i rave !

Tāmatara’a pāpa’ira’a mo’a

• I muri a’e i tō te ta’ata fa’aro’ora’a i te ari’i Beniamina, ’ia vai tō rātou ravera’a i te hō’ē fafaura’a ? (Mosia 5:5)

• E aha tā Abinadi i parau i te ari’i Noa, e ti’a iāna e rave ’ia fa’aorahia ’oia ? (Mosia 12:33)

• I muri a’e i tō Alama ’e tō Helama haerera’a mai i rāpae i te pape, e aha te mea tei fa’a’ī ia rāua ? (Mosia 18:14)

Pāhonora’a : Te Atua ; ha’apa’o i te mau fa’auera’a ; te Vārua

E nehenehe au e tai’o i te Buka a Moromona !

I muri a’e i tō ’oe tai’ora’a, ’a fa’a’ū i te hō’ē tuha’a o te hōho’a. E nehenehe ’oe e tai’o i teie mau pāpa’ira’a mo’a, e tū’ati i te tai’ora’a tāhepetoma o te Mai, pe’e mai.

• Hepetoma 1 : Mosia 4:9

• Hepetoma 2 : Mosia 7:19

• Hepetoma 3 : Mosia 16:9

• Hepetoma 4 : Mosia 18:8–10

Fa’ahōho’ara’a nā Simini Blocker