Fa’ata’ara’a nō te ’āmuira’a

Te mau parau fafau nō te fafaura’a

’Ua ha’api’i te peresideni Oaks ē, te fafaura’a e parau fafau ïa ’ia rave i te tahi mau mea. ’Ei hi’ora’a, e fafau te mau taote ’e te mau tūpohe auahi ’ia tāvini i te ta’ata i roto i tō rātou ’oire. ’Ia rave ana’e tātou i te mau fafaura’a ’e te Metua i te ao ra, mai te taime ’a bāpetizohia ai tātou, e parau fafau tātou ’ia tāvini iāna ’e ’ia ha’apa’o i tāna mau fa’auera’a. E ha’amaita’i ’oia ia tātou ’ia ha’apa’o ana’e tātou i tā tātou mau fafaura’a.

Tē ha’api’i nei te reira iā’u :

’A tāmau noa i te hoe

’Ua fa’ati’a ’o Elder Renlund i tō rātou haerera’a e hoe i te va’a ’īnītia, ’e tei mua roa ’oia i tōna ’utuāfare. I te tāpe’ara’a ’oia, ’ua fa’ata’ahuri te hō’ē ’are iāna i roto i te pape. ’Ua parau tō rātou arata’i iāna ’ia tāmau noa i te hoe, nō te nu’u i mua ’e nō te ’ore e ta’ahuri. Mai te mea e tāmau noa tātou i te « hoe » i te Fatu ra, e ti’a ia tātou ’ia vai i roto i te ataata ’ore ’e te pārurura’a.

Tē ha’api’i nei te reira iā’u :

Noa’a te hō’ē ’itera’a pāpū

’Ua fa’a’ite mai te peresideni Pace ē i te 11ra’a o tōna matahiti, ’ua ui tōna māmā ē, ’ua ’ite ānei ’ōna iho e parau mau te ’evanelia. ’Ua fa’aoti ’oia ’ia tai’o i te Buka a Moromona ’e ’ia pure ’ia ’ite mai ’oia. ’A nā reira ai ’oia, ’ua putapū i te tāmāhanahanara’a ’e te hau nō ’ō mai i te Vārua Maita’i. ’Ua tauturu te reira iāna ’ia noa’a mai tōna iho ’itera’a pāpū.

Tē ha’api’i nei te reira iā’u :

E pae ’ōfa’i

’Ua fa’ati’a te tuahine Spannaus i te ’ā’amu nō Davida ’e Golia. Mai ia Davida i rave e pae ’ōfa’i nō te ’aro ia Golia, e pae « ’ōfa’i » nō te tauturu ia ’outou ’ia fa’aruru i te mau tāmatara’a i roto i te orara’a. ’Oia ho’i te here i te Atua, te fa’aro’o ia Iesu Mesia, te ’itera’a ē e tamari’i ’oe nā te Atua, te tātarahapara’a i te mau mahata ato’a ’e te fa’ari’ira’a i te mana o te Atua.

Tē ha’api’i nei te reira iā’u :

Faʼahōhoʼaraʼa nā Josh Talbot