Te mau tumu o te ’evanelia

E aha te bāpetizora’a ’e te ha’amaura’a ?

Fa’ahōho’araʼa nā Apryl Stott

’Ua bāpetizohia Iesu Mesia. I muri a’e i te va’ura’a o tō ’oe matahiti, e nehenehe ato’a ’oe e bāpetizohia !

’Ia bāpetizo-ana’e-hia ’oe, e mo’e tō ’oe tino tā’āto’a i raro i te pape. E fa’aha’amana’ora’a te reira ia tātou ē, e nehenehe te mau hara ’e te mau mā’itira’a ’ino e tāmāhia maoti Iesu Mesia.

E fafau ’oe i te Metua i te ao ra ē, e rave ’oe mai tā ’oe e nehenehe mau nō te pe’e i tāna mau fa’auera’a.

I muri a’e i te bāpetizora’a ’o te ha’amaura’a ïa. I te reira taime ’oe e fa’ari’i ai i te hōro’a o te Vārua Maita’i. Te aura’a o te reira, e vai noa te Vārua Maita’i i pīha’i iho ia ’oe ! E nehenehe ’oia e tauturu ia ’oe ’ia pe’e i te hi’ora’a o Iesu.