Hello mula sa Barbados!

Alamin ang tungkol sa mga anak ng Ama sa Langit sa buong mundo.

Ang Barbados ay isang isla sa Caribbean. Mga 280,000 katao ang naninirahan doon!

Wika

Kopya sa Ingles ng Magasin na Kaibigan at isang puno ng palma

Ang opisyal na wika sa Barbados ay Ingles. Karamihan sa mga tao sa isla ay nagsasalita rin ng Bajan.

Masasayang araw ng fuh.

Ganyan ang sinasabi sa wikang Bajan kapag may bagay na maganda!

Mga Unang Araw ng Simbahan

Larawan ng ilog na may mga puno ng palma at paglalarawan ng isang batang binibinyagan

Ang unang pamilyang sumapi sa Simbahan sa Barbados ay nabinyagan noong 1978. Ngayon ay mahigit sa 1,000 na ang mga miyembro sa bansa!

Harrison’s Cave

Larawan ng kuweba na may mga rock formation at paglalarawan ng unggoy na nasa sanga

Ito ay malaking kuweba ng apog na dinadaluyan ng tubig. Maaaring pasukin ng mga bisita ang kuweba sakay ng tram at makikita nila ang lahat ng mga hugis ng bato na nabuo sa paglipas ng panahon.

Isang Makulay na Watawat

Larawan ng isang asul at gintong watawat na may trident sa gitna at paglalarawan ng pagong sa dagat

Ang kulay ginto sa bandila ng Barbados ay kumakatawan sa mga dalampasigan ng isla. Ang asul ay kumakatawan sa dagat at kalangitan ng Barbados.

Aktibidad

Gumawa ng Saranggola!

Paglalarawan ng mga batang nagpapalipad ng saranggola

Sa Barbados, ang mga tao ay nagpapalipad ng mga saranggola sa Pasko ng Pagkabuhay. Gumawa ng sarili mong saranggola para alalahanin si Jesucristo.

1. Gumupit ng isang malaking hugis-diyamante sa papel.

2. Iteyp ang isang pisi sa ilalim ng hugis-diyamante.

3. Ngayon isulat o idrowing mo sa saranggola ang mga bagay na gustung-gusto mo tungkol kay Jesucristo!

Resipe

Souse

Larawan ng pinggan na may karne at gulay

Maraming tao sa Barbados ang kumakain nito tuwing Sabado. Narito ang isang bersiyon ng resipe na maaari mong subukan!

1. Hiwa-hiwain ang 2 pounds ng baboy na 1/2 pulgada (1-cm) ang laki ng mga piraso. Pakuluan ang karne sa tubig na may 1 kutsarang (15 ml) asin hanggang sa maluto ito, mga 15 minuto. Salain, alisin ang tubig at hayaang lumamig ang karne.

2. Maghiwa ng 1/2 malaking sibuyas, 2 pipino, kaunting parsley, at sili sa maliliit na piraso. Paghaluin lahat sa isang malaking mangkok. Magdagdag ng 1/2 kutsarita (2.5 ml) ng thyme at katas ng 3 dayap sa mangkok.

3. Idagdag ang lutong karne sa mangkok at haluing mabuti. Magdagdag ng asin at paminta para lumasa. Ilagay sa refrigerator nang hindi kukulangin sa dalawang oras bago isilbi.

Siguraduhing magpatulong sa isang adult!

PDF ng Kuwento

Mga paglalarawan ni Simone Fumagalli