ការប្រែចិត្ដគឺជាក្តីរីករាយ !

ដោយប្រធាន ដាល្លិន អេក អូក

ទីប្រឹក្សាទីមួយក្នុងគណៈប្រធានទីមួយ

បានដកស្រង់មកពី « Cleansed by Repentance » Liahona ខែ ឧសភា ឆ្នាំ ២០១៩ ទំព័ ៩១–៩៤ ។

ការប្រែចិត្តគឺជាក្តីរីករាយ ។ វាគឺជាផ្នែកមួយដ៏សំខាន់នៃផែនការរបស់ព្រះ ។ យើងទាំងអស់គ្នាចាំបាច់ត្រូវតែប្រែចិត្ត ។

ដើម្បីប្រែចិត្ត យើងត្រូវចាប់ផ្ដើមដោយសេចក្ដីជំនឿលើព្រះយេស៊ូវគ្រីស្ទ។ យើងត្រូវតែបោះបង់ចោលអំពើបាបរបស់យើង ហើយសារភាពអំពើបាបទាំងនោះ ។ នេះមានន័យថា ការទទួលស្គាល់ថាយើងបានធ្វើខុសដោយនិយាយសុំទោសទៅកាន់មនុស្សដែលយើងធ្វើឲ្យឈឺចាប់ ហើយជ្រើសរើសធ្វើការសម្រេចចិត្តឲ្យប្រសើរឡើងវិញ ។ យើងគួរតែទទួលទានសាក្រាម៉ង់រៀងរាល់ថ្ងៃឈប់សម្រាក ។

ពេលយើងប្រែចិត្តនោះ យើងនឹងជ្រះស្អាត ។ ព្រះអម្ចាស់សន្យាថាទ្រង់នឹង« មិនចាំ [ ពីអំពើបាប ]ទាំងនោះទៀតទេ »( គោលលទ្ធិ និង សេចក្តីសញ្ញា ៥៨:៤២ ) ។ ឱ នេះជាការសន្យាដ៏អស្ចារ្យអ្វីម៉្លេះ ! ឱ នេះជាអព្ភូតហេតុមួយដ៏អស្ចារ្យអ្វីម៉្លេះ ! នេះជាពរជ័យដ៏អស្ចារ្យណាស់ !

ព្រះអង្គសង្គ្រោះជាទីស្រឡាញ់របស់យើង លាតព្រះហស្តដើម្បីទទួលអស់អ្នកដែលប្រែចិត្ត ហើយដើរតាមទ្រង់ ។

ជ្រះស្អាតជាថ្មី

សូមធ្វើសកម្មភាពនេះ ដើម្បីជួយប្អូនៗឲ្យរៀនពីការប្រែចិត្ត !

ដាក់ទឹកក្នុងធុងស្អាតមួយឲ្យពេញ ។ បន្ទាប់មកទម្លាក់ថ្ម និងដីមួយចំនួននៅក្នុងទឹក ។ ការណ៍នេះតំណាងឲ្យជម្រើសខុសឆ្គងដែលយើងបានធ្វើ ។
ដើម្បីឲ្យបានជ្រះស្អាតម្តងទៀត យើងត្រូវឈប់ធ្វើអ្វីដែលខុស ។ ជាតំណាងរឿងនេះ សូមយកថ្មចេញពីធុងទឹកវិញ ។ តើទឹកមើលទៅដូចម្ដេចឥឡូវនេះ ? តើវានៅតែកខ្វក់ឬ ?
ដើម្បីប្រែចិត្តទាំងស្រុង យើងត្រូវការព្រះយេស៊ូវគ្រីស្ទ ។ យើងត្រូវមានជំនឿលើទ្រង់ និងដង្វាយធួនរបស់ទ្រង់ ។ កាន់ធុងទឹកពីក្រោមក្បាលរ៉ូប៊ីណេ ។ ចូរបង្ហូរទឹកស្អាតចូលទៅក្នុងធុង រហូតដល់ទឹកកខ្វក់ទាំងអស់ហូរចេញ ! ដែលនេះតំណាងឲ្យព្រះចេស្ដាដែលព្រះយេស៊ូវគ្រីស្ទមាន ដើម្បីជួយយើងឲ្យមានភាពស្អាតស្អំ ។