« សកម្មភាព ចូរមកតាមខ្ញុំ » ទស្សនាវដ្តីប្រិយមិត្ត ខែ កញ្ញា ឆ្នាំ ២០២៤ ទំព័រ ២៨–២៩ ។
សកម្មភាពចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ឬការសិក្សាព្រះគម្ពីរ—ឬគ្រាន់តែសម្រាប់ភាពរីករាយ !
ថ្ងៃទី ២៦ ខែ សីហា–ថ្ងៃទី ១ ខែ កញ្ញា
គ្រឹះដ៏រឹងមាំ
សម្រាប់ ហេលេមិន ១–៦
ហេលេមិន បានបង្រៀនកូនប្រុសរបស់លោកឲ្យស្ថាបនាជីវិតរបស់ខ្លួននៅលើគ្រឹះដ៏រឹងមាំរបស់ព្រះយេស៊ូវគ្រីស្ទ ( សូមមើល ហេលេមិន ៥:១២ ) ។ គ្រឹះគឺជាអ្វីដែលត្រូវបានសង់ឡើងនៅលើនោះ ។ គ្រឹះដ៏រឹងមាំមួយធ្វើឲ្យអគារទាំងមូលរឹងមាំ សូម្បីតែនៅពេលមានព្យុះក៏ដោយ ។ សង់ប៉មពីរ—មួយនៅលើគ្រឹះរឹងមាំ និងមួយទៀតនៅលើគ្រឹះមិនមាំ ។ តើប៉មមួយណាដែលមាំជាង ? តើយើងអាចស្ថាបនាជីវិតរបស់យើងលើព្រះយេស៊ូវគ្រីស្ទយ៉ាងដូចម្ដេច ?
ថ្ងៃទី ២–៨ ខែ កញ្ញា
ទីបន្ទាល់នៃព្រះគ្រីស្ទ
សម្រាប់ហេលេមិន ៧-១២
មនុស្សជាច្រើននៅក្នុងគម្ពីរបានបង្រៀន និងថ្លែងទីបន្ទាល់អំពីព្រះយេស៊ូវគ្រីស្ទ ( សូមមើល ហេលេមិន ៨:១៦–២០ ) ។ ប្អូនៗអាចចាប់ផ្ដើមស្ថាបនាទីបន្ទាល់របស់ប្អូនៗអំពីទ្រង់ផងដែរ ! ទីបន្ទាល់គឺជាអ្វីដែលប្អូនជឿ ឬដឹងថាជាការពិតអំពីព្រះវរបិតាសួគ៌ និងព្រះយេស៊ូវគ្រីស្ទ ។ សូមសរសេរទីបន្ទាល់របស់ប្អូនៗ ហើយអនុវត្តការចែកចាយវាជាមួយគ្រួសារ ឬមិត្តភក្តិរបស់ប្អូនៗ ។
ថ្ងៃទី ៩–១៥ ខែ កញ្ញា
សាំយូអែល ឡើងលើកំផែង
សម្រាប់ ហេលេមិន ១៣–១៦
សាំយូអែល គឺជាព្យាការីដែលបានបង្រៀនអំពីព្រះយេស៊ូវគ្រីស្ទនៅលើកំផែងនៃទីក្រុង ( សូមមើលហេលេមិន ១៣:៤ ) ។ ទៅទំព័រ ១២ ហើយធ្វើវត្ថុដោយដៃ ដើម្បីជួយប្អូនប្រាប់ពីដំណើររឿងរបស់សាំយូអែល ។
ថ្ងៃទី ១៦–២២ ខែកញ្ញា
ល្បែងការប្រមូលផ្ដុំ
សម្រាប់ នីហ្វៃទី៣ ១–៧
ព្រះយេស៊ូវគ្រីស្ទបានសន្យាថា ទ្រង់នឹងប្រមូលបុត្រាបុត្រីរបស់ទ្រង់ទាំងអស់ ព្រោះទ្រង់ស្រឡាញ់មនុស្សគ្រប់គ្នា ហើយសព្វព្រះទ័យឲ្យពួកគេមានដំណឹងល្អ ( សូមមើល នីហ្វៃទី៣ ៥:២៤ ) ។ ចូរលេងល្បែងមួយអំពីការប្រមូលផ្តុំ ។ ចូរឲ្យអ្នកលេងឈរជារង្វង់ ។ មនុស្សម្នាក់នៅកណ្តាលនិយាយការពិតអំពីខ្លួនឯង ដូចជាពណ៌ដែលពួកគេចូលចិត្ត ។ ប្រសិនបើការពិតដូចនរណាម្នាក់ទៀត នោះពួកគេក៏មកឈរចំកណ្តាលដែរ ។ បន្តរហូតដល់មនុស្សគ្រប់គ្នាត្រូវបានប្រមូលផ្តុំនៅចំកណ្តាល ។
ថ្ងៃទី ២៣–២៩ ខែ កញ្ញា
ព្រះយេស៊ូវគឺជាពន្លឺ
សម្រាប់ នីហ្វៃទី៣ ៨–១១
ព្រះយេស៊ូវគ្រីស្ទជា « ពន្លឺ ហើយជាជីវិតនៃពិភពលោក » ( នីហ្វៃទី៣ ៩:១៨ ) ។ មើលថ្ងៃរះ ឬថ្ងៃលិចជាមួយក្រុមគ្រួសាររបស់ប្អូន ។ ក្រោយមក គូររូបអ្វីដែលប្អូនបានឃើញ ។ ខណៈដែលប្អូនគូរ សូមនិយាយអំពីហេតុផលដែលប្អូនស្រឡាញ់ព្រះយេស៊ូវគ្រីស្ទ និងរបៀបដែលទ្រង់ប្រទានពន្លឺដល់ប្អូន ។
រចនារូបភាពដោយ ខាធី ដុកគ្រីល