ខ្សែច្រវ៉ាក់អំណានព្រះគម្ពីរ

ព្រះគម្ពីរអាចជួយយើងឲ្យមានអារម្មណ៍កក់ក្តៅ និងក្តីស្រឡាញ់ពីព្រះវរបិតាសួគ៌ចំពោះយើង ។ ប្អូនអាចធ្វើច្រវ៉ាក់នៃអំណានព្រះគម្ពីរ ដើម្បីអាន ពេលប្អូនមានអារម្មណ៍ព្រួយបារម្ភ ឬសោកសៅ ។

រូបរាងពណ៌ស្វាយមានខគម្ពីរមួយចំនួនដែលប្អូនអាចប្រើបាន ។ ប្អូនក៏អាចបន្ថែមខគម្ពីរដែលប្អូនចូលចិត្តផងដែរ ។

សុំជំនួយពីឪពុកម្តាយ ឬអ្នកដឹកនាំសាសនាចក្រ !

សូមធ្វើបញ្ជីខគម្ពីរដែលប្អូនចូលចិត្ត ។
នៅក្នុងគម្ពីររបស់ប្អូន ចូររកខគម្ពីរដំបូងនៅលើបញ្ជីរបស់ប្អូន ។ ប្រើខ្មៅដៃពណ៌ដើម្បីគូសសម្គាល់ខគម្ពីរដោយប្រុងប្រយ័ត្ន ។
នៅជាប់វា ចូរសរសេរសេចក្តីយោងបទគម្ពីរ ( ឬលេខទំព័រ ប្រសិនបើវាងាយស្រួលសម្រាប់ប្អូន ) សម្រាប់ខគម្ពីរបន្ទាប់ដែលចេញពីបញ្ជីនេះ ។ បន្ទាប់មក ចូលទៅខគម្ពីរនោះ ហើយគូសសម្គាល់វាផងដែរ ។
សូមបន្តគូសសម្គាល់ខគម្ពីរ និងសរសេរសេចក្ដីយោងសម្រាប់ខគម្ពីរបន្ទាប់ ។ នៅពេលប្អូនគូសសម្គាល់ចុងក្រោយនៅក្នុងបញ្ជីរបស់ប្អូន សូមសរសេរសេចក្ដីយោងបទគម្ពីរសម្រាប់ខគម្ពីរដំបូងដែលប្អូនបានគូសសម្គាល់ ។

យ៉ូហាន ១៤:២៧: « ខ្ញុំទុកសេចក្តីសុខនៅនឹងអ្នករាល់គ្នា គឺខ្ញុំឲ្យសេចក្តីសុខសាន្តរបស់ខ្ញុំដល់អ្នករាល់គ្នា ហើយដែលខ្ញុំឲ្យ នោះមិនមែនដូចជាលោកីយ៍ឲ្យទេ ។ កុំឲ្យចិត្តអ្នករាល់គ្នាថប់បារម្ភ ឬភ័យឡើយ » ។
គោលលទ្ធិ និងសេចក្ដីសញ្ញា ៦៨:៦:« ហេតុដូច្នោះហើយ ចូរសង្ឃឹមឡើង ហើយចូរកុំខ្លាចឡើយ ត្បិតយើងជាព្រះអម្ចាស់គង់នៅជាមួយនឹងអ្នក ហើយនឹងឈរនៅក្បែរអ្នក » ។
សុភាសិត ៣:៥ ៖ « ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ » ។
គ&ស ១២១:៧ ៖ « ចូរមានសេចក្ដីសុខសាន្តដល់ព្រលឹងបុត្រចុះ សេចក្ដីទំនាស់ និងសេចក្ដីលំបាករបស់អ្នកនោះគ្រាន់តែមួយភ្លែតប៉ុណ្ណោះទេ » ។
គ&ស ៤៥:៦២ ៖« ត្បិតយើងប្រាប់អ្នកជាប្រាកដថា ការណ៍ដ៏ធំនោះកំពុងតែរង់ចាំអ្នក » ។
សុភាសិត ៣:២៤ ៖ « កាលណាឯងដេកទៅ នោះនឹងគ្មានភ័យខ្លាចអ្វីសោះ អើ ឯងនឹងដេកទៅ ហើយលក់ស្រួល » ។