« តើប្អូនគិតអំពីអ្វី ? » ប្រិយមិត្ត ខែ កញ្ញា ឆ្នាំ ២០២៤ ទំព័រ ៣៩ ។
តើប្អូនគិតអំពីអ្វី ?
ខ្ញុំមិនចូលចិត្តសាកល្បងអ្វីដែលថ្មីទេ ពីព្រោះខ្ញុំតែងតែធ្វើខុស ។ តើខ្ញុំគួរតែធ្វើដូចម្តេច ?
—ល្អឥតខ្ចោះនៅទីក្រុង ប៉ាណាម៉ា
ជូនចំពោះ ល្អឥតខ្ចោះ
ប្រហែលជាប្អូនគិតថា ប្រសិនបើប្អូនមិនធ្វើអ្វីៗឲ្យបានល្អឥខ្ចោះ នោះប្អូនគឺជាមនុស្សបរាជ័យ ។ ប៉ុន្ដែនោះពុំមែនជាការពិតទេ ! តាមពិត កំហុសអាចជួយប្អូនឲ្យរៀនសូត្រ និងកែលម្អបាន ។
ព្រះវបិតាសួគ៌ជួយយើងរៀនសូត្របន្តិចម្តងៗ ( សូមមើល គោលលទ្ធិ និង សេចក្តីសញ្ញា ៩៨:១២ ) ។ ជំនួសឲ្យការផ្តោតទៅលើការមានភាពល្អឥតខ្ចោះ ចូរព្យាយាមផ្តោតអារម្មណ៍ទៅលើការរីកចម្រើន និងការប្រែក្លាយដូចជាទ្រង់បន្តិចម្តងៗវិញ ។ រកមើលអ្វីដែលប្អូនធ្វើបានល្អ ។ ធ្វើការផ្លាស់ប្តូរគំនិតអវិជ្ជមានអំពីខ្លួនឯងទៅជាវិជ្ជមាន ។ សំខាន់បំផុតនៅពេលដែលប្អូនធ្វើខុស—ឬសូម្បីតែធ្វើខុសរហូតដល់ ២០ ដង—ចូរដកដង្ហើមធំ ពោលពាក្យអធិស្ឋាន ហើយបន្តទៅទៀត !
ដោយក្តីស្រឡាញ់
ទស្សនាវដ្តី ប្រិយមិត្ត
កែប្រែស្នាមប្រឡាក់ទាំងនេះទៅជាសិល្បៈ !
នរណាម្នាក់បានចាប់ផ្តើមគំនូរទាំងនេះ ប៉ុន្តែបានបោះបង់ចោលនៅពេលដែលពួកគេគិតថា ពួកគេគូរមិនស្អាតគ្រប់គ្រាន់ ។ ប្រើភាពច្នៃប្រឌិតរបស់អ្នកដើម្បីបញ្ចប់គំនូរនីមួយៗ ។ ចូរទៅមើលអ្វីដែលអាចកើតឡើងនៅពេលដែលយើងបន្តទៅមុខ !
រចនារូបភាពដោយ ចស ថាលបូត