អ្នកជានរណាឲ្យប្រាកដ

ដោយអែលឌើរ ខេវីន ដបុលយូ ភៀរសិន

នៃពួកចិតសិបនាក់

ដកស្រង់មកពីការសម្ភាសមួយជាមួយ អូលីវ៉ា ឃីធឺមែន និង ដាយអាណា អេវើលីន នៀលសិន ។

ព្រះវរបិតាសួគ៌របស់យើងស្រឡាញ់ពួកយើង ។ ទ្រង់សព្វព្រះទ័យជួយយើងឲ្យដឹងថាយើងជានរណា ។ ទ្រង់បានបង្កើតវិញ្ញាណរបស់យើង មុនពេលយើងមករស់នៅលើផែនដី ។ យើងគឺជាបុត្រា និងបុត្រីរបស់ព្រះ ។

ពេលខ្លះយើងអាចមានអារម្មណ៍ឯកោ ឬព្រួយបារម្ភថាយើងនឹងមិនល្អគ្រប់គ្រាន់ទេ ។ ព្រះយេស៊ូវគ្រីស្ទជ្រាបដឹងថា តើយើងមានអារម្មណ៍បែបណា ។ ទ្រង់នឹងជួយយើងឲ្យយកឈ្នះលើឧបសគ្គនានា ។ រឿងលំបាកដែលយើងប្រឈមមុខក្នុងជីវិតនេះអាចជួយយើងឲ្យប្រែក្លាយជាមនុស្សកាន់តែដូចព្រះយេស៊ូវគ្រីស្ទ ប្រសិនបើយើងត្រឡប់ទៅរកទ្រង់វិញ ។

ដំណឹងល្អជួយយើងឲ្យមើលឃើញខ្លួនឯង ដូចជាព្រះវរបិតាសួគ៌ទតមើលមកយើង ។ តាមរយៈសេចក្តីជំនឿរបស់យើងទៅលើព្រះយេស៊ូវគ្រីស្ទ នោះការសាកល្បងរបស់យើងអាចក្លាយទៅជាពរជ័យ ។ ការដឹងថាប្អូនជានរណា និងរបៀបដែលព្រះទតឃើញប្អូន នឹងប្រទានពរដល់គ្រប់គ្នាក្នុងវ័យណាក៏ដោយ !

កាលយើងយល់ដឹងថាយើងជាបុត្រាបុត្រីរបស់ព្រះ នោះយើងនឹងអាចផ្ដោតអារម្មណ៍ទៅលើព្រះវរបិតាសួគ៌ដែលសព្វព្រះទ័យឲ្យយើងប្រែក្លាយទៅជានរណា ។ យើងនឹងប្រឈមមុខនឹងឧបសគ្គរបស់យើង ជាមួយទ្រង់ ។ ទោះបីជាយើងមិនល្អឥតខ្ចោះ ហើយនឹងធ្វើខុសក៏ដោយ ក៏យើងអាចរកឃើញក្តីសង្ឃឹមក្នុងការដឹងថា យើងជាបុត្រាបុត្រីរបស់ព្រះ ។

ស្វែងរកអ្វីដែលពេញចិត្ត

យើងទាំងអស់គ្នាគឺខុសៗគ្នា ។ យើងមានទេពកោសល្យ ចំណូលចិត្ត និងមិនចូលចិត្តផ្សេងពីគ្នា ។ ប៉ុន្តែយើងទាំងអស់គ្នាគឺជាបុត្រាបុត្រីរបស់ព្រះ !

ប្រើគន្លឹះដើម្បីបំពេញតារាង ហើយស្វែងរកអ្វីដែលមិត្តម្នាក់ៗចាប់អារម្មណ៍ ។ គន្លឹះ ៖ ដាក់សញ្ញា X ចំពោះរឿងដែលប្អូនដឹងថាមិនពិត។ ជំហានដំបូងបានធ្វើសម្រាប់ប្អូនៗហើយ ។ ពេលប្អូនធ្វើរួច ជួរឈរនីមួយៗគួរតែមានការ៉េទទេមួយ !

អ្នកលេងព្យាណូមិនមែនជាអាម៉ារ៉ា ឬ ជេតនោះទេ ។
ម៉ាក មិនចូលចិត្តគណិតវិទ្យាទេ ។
គ្មានក្មេងប្រុសណាម្នាក់លេងឧបករណ៍តន្ត្រី ឬលេងការ៉ាតេឡើយ ។
ក្មេងស្រីដែលចូលចិត្តសត្វគឺមិនមែនអាម៉ារ៉ា ទេ ។
កៃ គឺជាមនុស្សតែម្នាក់គត់ដែលចូលចិត្តកីឡាបាល់បោះ ។