Hello mula sa Zimbabwe!

Alamin ang tungkol sa mga anak ng Ama sa Langit sa buong mundo.

Ang Zimbabwe ay nasa Southern Africa. Mahigit 16,500,000 katao ang naninirahan doon.

Mga Wika

Ang Zimbabwe ay may 16 na opisyal na wika. Ang ilan sa mga ito ay Shona, Ndebele, at English—at ilan lamang iyan!

Livukile!

Ang ibig sabihin niyan ay “Magandang umaga” sa wikang Ndebele.

Isang Pagbisita ng Propeta

Noong Abril 2018 bumisita sina Pangulong Nelson at Sister Nelson sa Zimbabwe. Daan-daang bata ang kumanta ng “Ako ay Anak ng Diyos” para sa kanila.

Isang Napakagandang Talon

Ang Victoria Falls sa Zimbabwe ang pinakamalaking talon sa mundo. Maaaring marinig ang ingay nito mula sa mahigit 24 na milyang (40 km) layo!

Kamangha-manghang mga Hayop

Maraming damuhan sa Zimbabwe. Ang ilan sa mga hayop na naninirahan doon ay mga leon, hippotamus, giraffe, antelope, at elepante.

Aktibidad

Elephant Craft

Nasa Zimbabwe ang pangalawang pinakamalaking populasyon ng mga elepante sa mundo!

1. Gumupit ng isang malaking bilog ng papel para sa ulo at dalawang mas maliliit na bilog para sa mga tainga. Pagkatapos ay idikit ang mga tainga sa ulo.

2. Gumupit ng isang mahabang parihabang papel para magawa ang katawan. Itupi ito nang pabalik-balik para makagawa ito ng hugis na zig-zag.

3. Gumupit ng dalawang pangil ng elepante.

4. Ngayon ay magdrowing ng mga mata at isang ngiti para sa iyong elepante. Pagkatapos ay idikit ang mga pangil at katawan sa itaas!

Resipe

Muriwo Unedovi (Peanut Butter Greens)

Ang Muriwo unedovi ay isang tradisyonal na pagkain sa Zimbabwe. Narito ang isang bersyon ng resipe na maaari mong subukan!

1. Maghiwa ng 1 sibuyas at lutuin sa isang kawali na may mantika sa loob ng 3–5 minuto. Maghiwa ng 2 kamatis at ilagay sa kawali. Lutuin nang 3–5 minuto pa.

2. Magtadtad ng 10 tasang (2400 ml) spinach (o berdeng dahon na gusto mo) at ilagay sa kawali. Hayaang malanta ang berdeng dahon sa loob ng 5 minuto.

3. Magdagdag ng 2 kutsarang (30 ml) peanut butter, 1/4 na tasang (59 ml) tubig, at 1/2 kutsaritang (2.4 ml) garlic powder. Haluing mabuti at lagyan ng asin ayon sa iyong panlasa.

Siguruhing magpatulong sa isang adult!

Mga larawang-guhit ni Katie Rewse