« តើពិធីផ្សារភ្ជាប់ក្នុងព្រះវិហារបរិសុទ្ធគឺជាអ្វី ? » ទស្សនាវដ្ដី ប្រិយមិត្ដ ខែ វិច្ឆិកា ឆ្នាំ ២០២៤ ទំព័រ ២២ ។
ប័ណ្ណព្រះវិហារបរិសុទ្ធ
តើពិធីផ្សារភ្ជាប់ក្នុងព្រះវិហារបរិសុទ្ធគឺជាអ្វី ?
ពិធីផ្សារភ្ជាប់ក្នុងព្រះវិហារបរិសុទ្ធ គឺជាពិធីបរិសុទ្ធមួយដែលចងភ្ជាប់ក្រុមគ្រួសារជាមួយគ្នាជារៀងរហូត ។ នេះមានន័យថា ប្រសិនបើយើងរក្សាសេចក្ដីសញ្ញារបស់យើង ហើយគោរពតាមព្រះ នោះយើងនឹងរស់នៅជាមួយគ្រួសារយើងម្ដងទៀតបន្ទាប់ពីយើងស្លាប់ ។ ពួកព្យាការីបានសន្យាថា ដោយសារព្រះយេស៊ូវគ្រីស្ទ នោះក្រុមគ្រួសារអាចរួមរស់ជាមួយគ្នាជាអស់កល្បជានិច្ច ។
ព្រះវិហារបរិសុទ្ធ ណៃរ៉ូប៊ី កេនយ៉ា
-
នេះគឺជាព្រះវិហារបរិសុទ្ធទី ៩ ដែលបានសាងសង់នៅទ្វីបអាហ្វ្រិក និងជាព្រះវិហារបរិសុទ្ធដំបូងគេនៅក្នុងប្រទេសកេនយ៉ា ។
-
សមាជិកសាសនាចក្រនៅទូទាំងអាហ្វ្រិកខាងកើត មកចូលរួមក្នុងព្រះវិហារបរិសុទ្ធនេះ ។
-
នៅក្នុងឆ្នាំ ១៩៩៨ ប្រធាន ហ៊ីងគ្លី បានមានប្រសាសន៍ថា ព្រះវិហារបរិសុទ្ធមួយនឹងត្រូវសាងសង់នៅថ្ងៃណាមួយក្នុងប្រទេសកេនយ៉ា ។ ព្រះវិហារបរិសុទ្ធនេះត្រូវបានប្រកាសនៅ ១៩ ឆ្នាំក្រោយមក ។
ព្រះវិហារបរិសុទ្ធ ប៉ាពីទី តាហ៊ីទី
-
បន្ទាប់ពីព្រះវិហារបរិសុទ្ធនេះត្រូវបានសាងសង់ឡើងវិញនៅឆ្នាំ ២០០៦ មានមនុស្សរាប់ពាន់នាក់បានប្រារព្ធព្រឹត្តិការណ៍វប្បធម៌មួយដើម្បីអបអរការឧទ្ទិសឆ្លងព្រះវិហារបរិសុទ្ធនេះឡើងវិញ ។
-
ព្រះវិហារបរិសុទ្ធនេះមានដំបូលពណ៌ខៀវដ៏ស្រស់ស្អាត ។
-
មុនពេលព្រះវិហារបរិសុទ្ធនេះត្រូវបានសាងសង់ឡើងនៅឆ្នាំ ១៩៨៣ ព្រះវិហារបរិសុទ្ធដែលជិតប្រទេសតាហ៊ីទីបំផុត គឺនៅប្រទេសនូវែលសេឡង់ ។
រចនារូបភាពដោយ រ៉ាជែល អេរិកសុន