សារព័ត៌មានសន្និសីទ

ពាក្យសម្ដីដកស្រង់ពីសន្និសីទ

ការមើលសន្និសីទនៅជុំវិញពិភពលោក

ខ្ញុំចូលចិត្តស្តាប់សាវក និងព្យាការីរបស់យើង ប្រធាន រ័សុល អិម ណិលសុន ថ្លែងនៅក្នុងសន្និសីទ ។ ខ្ញុំចូលចិត្តណាស់ដែលមានព្យាការីអាយុ ១០០ ឆ្នាំ !

លូស៊ីណូ អេហ្វ. អាយុ ៦ ឆ្នាំ ម៉ាហ្គាលែន ប្រទេសស៊ីលី

ប្រធានសាខារបស់ខ្ញុំបានធ្វើក្រដាសសំណួរ និងចម្លើយសន្និសីទសម្រាប់អង្គការបឋមសិក្សា ។ វាបានជួយខ្ញុំស្តាប់ការឡើងនិយាយនៅក្នុងសន្និសីទ ។ វាពិតជាសប្បាយណាស់ !

យ៉េន-ធីង ស៊ី. អាយុ ១០ ឆ្នាំ ស្រុកឆាងហួ តៃវ៉ាន់

សន្និសីទទូទៅ គឺជាពេលវេលាដ៏ល្អបំផុតដើម្បីស្វែងរក និងទទួលបានការបំផុសគំនិតផ្ទាល់ខ្លួន ។

ជេនីស ខេ. អាយុ ១២ ឆ្នាំ ហ្គោអា ប្រទេសឥណ្ឌា

ការច្រៀងនៅក្នុងសន្និសីទទូទៅធ្វើឲ្យខ្ញុំមានអារម្មណ៍សប្បាយរីករាយ ជាពិសេសគឺនៅពេលដែលខ្ញុំកំពុងច្រៀងអំពីព្រះយេស៊ូវគ្រីស្ទ និងព្រះវរបិតាសួគ៌ ។

អាន់ណេលីស ជី. អាយុ ១០ ឆ្នាំ រដ្ឋយូថាហ៍ ស.រ.អា

ក្រុមចម្រៀងកុមារ

កុមាររាប់រយនាក់មកពីរដ្ឋយូថាហ៍ ស.រ.អា បានច្រៀងនៅក្នុងសម័យប្រជុំរសៀលថ្ងៃសៅរ៍ ។ បទចម្រៀងបីបទដែលពួកគេបានច្រៀង គឺមកពី ទំនុកតម្កើងថ្មី—សម្រាប់ប្រើប្រាស់នៅគេហដ្ឋាន និងសាសនាចក្រ ។

តើមានព្រះវិហារបរិសុទ្ធចំនួនប៉ុន្មាន ?

ព្រះវិហារបរិសុទ្ធកំពុងតែសាងសង់នៅទូទាំងពិភពលោក ! តើប្រធាន ណិលសុន បានប្រកាសអំពីព្រះវិហារបរិសុទ្ធចំនួនប៉ុន្មាននៅក្នុងសន្និសីទនេះ ?

៨ នៅអាមេរិកខាងជើង
+ ១ នៅការ៉ាប៊ីន
+ ១ នៅអាមេរិកកណ្តាល
+ ២ នៅអាមេរិកខាងត្បូង
+ ២ នៅអឺរ៉ុប
+ ៣ នៅអាហ្រ្វិក
= ___ ព្រះវិហារបរិសុទ្ធ

ចំនួនព្រះវិហារបរិសុទ្ធសរុប

១៩០ កំពុងដំណើរការ
១១៦ បានប្រកាស
៥០ កំពុងសាងសង់
៧ កំពុងជួសជុល

ឥឡូវនេះ និងក្រោយមក

នៅពេលដែលសន្និសីទទូទៅបានចាប់ផ្តើមកាលពី ១៩៤ ឆ្នាំមុន មានតែមនុស្សមួយក្រុមតូចប៉ុណ្ណោះដែលអាចស្តាប់ព្យាការីដោយផ្ទាល់ ។

១០០ ឆ្នាំមុន ពួកគេអាចស្តាប់សន្និសីទនៅលើវិទ្យុ ។

៧៥ ឆ្នាំមុន ពួកគេអាចមើលសន្និសីទនៅលើទូរទស្សន៍ ។

២៥ ឆ្នាំមុន ពួកគេអាចមើល ឬស្តាប់តាមអ៊ីនធឺណិត ។

សព្វថ្ងៃនេះ ពួកគេអាចមើល ឬស្តាប់សន្និសីទទូទៅគ្រប់ទីកន្លែងក្នុងពិភពលោក !