បងប្រុសរបស់យ៉ារេឌ

ពួកសាសន៍យ៉ារេឌបានសាងសង់ទូកដែលបិទជិតហៅថាភេត្រា ដើម្បីធ្វើដំណើរទៅកាន់ដែនដីសន្យា ។

ប៉ុន្តែបងប្រុសរបស់យ៉ារេឌមានសំណួរមួយ ។ តើពួកគេនឹងដកដង្ហើមតាមរបៀបណា ? លោកបានអធិស្ឋានទូលសុំជំនួយ ហើយព្រះជាម្ចាស់បានមានបន្ទូលថាឲ្យចោះធ្វើរន្ធនៅក្នុងភេត្រាឲ្យមានខ្យល់ចេញចូល ។

បងប្រុសរបស់យ៉ារេឌមានសំណួរមួយទៀត ។ តើពួកគេនឹងមានពន្លឺដោយរបៀបណា ? ម្ដងនេះព្រះអម្ចាស់បានសួរថា តើបងប្រុសរបស់យ៉ារេឌចង់ឲ្យទ្រង់ធ្វើអ្វីដើម្បីពួកសាសន៍យ៉ារេឌអាចមានពន្លឺ ។

បន្ទាប់មក បងប្រុសរបស់យ៉ារេឌមានគំនិតមួយ ។ គាត់បានទូលសុំព្រះអម្ចាស់ឲ្យពាល់ក្រួសតូចៗចំនួន ១៦ ដុំ ។ ពេលព្រះអម្ចាស់ពាល់ក្រួសទាំងនោះ ពួកវាបានភ្លឺឡើង !

យើងអាចសួរព្រះអម្ចាស់នូវសំណួររបស់យើង ។ ទ្រង់ចង់ជួយយើងដោះស្រាយបញ្ហារបស់យើង ។

ការសាកល្បងព្រះគម្ពីរ

តើអាំម៉ារ៉ុនបានលាក់ផ្ទាំងមាសដើម្បីឲ្យមរមនស្វែងរកនៅកន្លែងណា ? ( មរមន ១:២–៣ )
តើព្រះអម្ចាស់គង់នៅទីណា ខណៈដែលទ្រង់មានបន្ទូលប្រាប់ពួកសាសន៍យ៉ារេឌថាពួកគេត្រូវធ្វើដំណើរទៅទីណានោះ ? ( អេធើរ ២:៥ )
តើព្រះអម្ចាស់បាននាំបុព្វការីជនរបស់ស៊ូលទៅណា ? ( អេធើរ ៧:២៧ )

ខ្ញុំចេះអានព្រះគម្ពីរមរមន !

បន្ទាប់ពីប្អូនអាន សូមផាត់ពណ៌ផ្នែកនៃរូបភាពនេះ ។ ប្អូនៗអាចអានខគម្ពីរទាំងនេះដែលស្របទៅនឹងអំណានប្រចាំសប្តាហ៍នីមួយៗមកពីសៀវភៅ ចូរមកតាមខ្ញុំ ។

សប្ដាហ៍ទី ១ ៖ មរមន ៣:២០-២២
សប្តាហ៍ទី ២ ៖ មរមន ៧:៨-១០
សប្ដាហ៍ទី ៣ ៖ អេធើរ ៤:១១–១២
សប្ដាហ៍ទី ៤ ៖ អេធើរ ៦:១២