Mstari juu ya Mstari

Jenga Msingi

Dhima ya mwaka huu inakuwezesha kuona jukumu lako katika kujenga Ufalme wa Mungu.

Mafundisho na Maagano 64:33–34

33 Hivyo, msichoke kutenda mema, kwa kuwa mnajenga msingi wa kazi kubwa. Na kutokana na mambo madogo huja yale yaliyo makuu.

34 Tazama, Bwana anahitaji moyo na akili yenye kukubali; na wenye kukubali na kutii watakula mema ya nchi ya Sayuni katika siku hizi za mwisho.

Kutenda wema

Tenda wema ili uwachochee au uwafanye watu wengine wakubali na watende mambo mema na ya kustahiki.

Msingi

Sehemu ya chini ya nyumba, inayoshikilia uzito wa jengo lililo juu.

Kazi kuu

Kazi yetu kuu ni kusaidia kujenga ufalme wa Mungu duniani, ikiwa ni pamoja na kukusanya Israeli.¹

Kutokana na mambo madogo

Kila jambo jema dogo unalofanya linasaidia kujenga kitu kikubwa.

Moyo na akili yenye kukubali

Bwana anahitaji tuweke matamanio, fikra na hisia zetu katika kazi Yake.

Kula mema ya nchi

Kulingana na Agano la Kale, inamaanisha kusitawi sana (soma Isaya 1:19).

Sayuni

Sayuni inaweza kumaanisha: watu wa Bwana, mahali ambako watu wa Bwana wanaishi, au jinsi watu wa Bwana wanavyoishi (wenye mioyo safi, wenye kuishi sheria ya selestia).

Ona Mwongozo wa Maandiko, “Sayuni,” scriptures.ChurchofJesusChrist.org; Mada za Injili, “Sayuni,” topics.ChurchofJesusChrist.org.

Muhtasari

1. Ona Russell M. Nelson, “Tumaini la Israeli” (ibada kwa vijana kote ulimwenguni, Juni 3, 2018), HopeofIsrael.ChurchofJesusChrist.org.