Maswali na Majibu

“Marafiki zangu wote hucheza michezo ya video ya vijana, lakini mimi nimeamua kutocheza. Je, michezo ya video ya vijana INAFAA?”

“Bila shaka ni vyema kutazama maudhui ya burudani yenye manufaa au kupata taarifa za kuvutia. Lakini sio yote ya aina hiyo yanafaa kupewa umakini na kuchukua muda wetu. Mambo mengine ni bora, na mengine ni bora zaidi.”

Rais Dallin H. Oaks, Mshauri wa Kwanza katika Urais wa Kwanza, mkutano mkuu wa Oktoba 2007 (Ensign au Liahona, Novemba 2007, 105).

Viwango vya Ulimwengu

“Nimeamua pia kutocheza michezo ya video ya vijana. Baadhi yake inafurahisha, lakini hujui kipi kinachoweza kutokea. Mimi hucheza na familia yangu michezo ya kufurahisha, na ninajihisi vyema kutocheza michezo ya video ya vijana. Viwango vya ulimwengu wa leo si sawa na viwango vya Mungu, na ningependa kuwa kama Mungu.”

Payton D., 13, Nevada, Marekani

Msikilize Roho Mtakatifu

“Je, michezo ya video ina lugha au maudhui yasiyofaa? Tunapaswa kuepuka haya, kwa sababu yanamfukuza Roho Mtakatifu. Vurugu pia inaweza kumfukuza Roho Mtakatifu. Kwa makini na kupitia maombi fikiria ikiwa unahisi au hauhisi Roho Mtakatifu maishani mwako unapocheza michezo hii ya video mara kwa mara.”

Miriana B., 18, Washington, Marekani

Mabalozi wa Yesu Kristo

“Ni muhimu kukumbuka kuwa tumejichukulia jina la Yesu Kristo, hivyo sisi ni mabalozi Wake. Katika kila tuyatendayo, tunapaswa kujiuliza ikiwa Angefanya kile tunachokifanya na ikiwa tunasogea karibu Naye zaidi.”

Brandon K., 17, Ohio, Marekani

Nzuri, Bora na Bora Zaidi

“Tunapaswa kukumbuka kuwa kila wakati kuna mambo mazuri, bora na bora zaidi tunayoweza kutazama, kucheza na kusikiliza. Hata ikiwa mambo tunayofanya si ya kuvutia, inawezekana kuwa kuna mambo mengine tunayoweza kufanya pia ambayo ni ya kutia moyo na yenye manufaa.”

Ash H., 17, Virginia, Marekani

Je, Mwokozi Angehisi Vipi?

“Ninapochagua maudhui ya burudani, mimi hujiuliza ikiwa Mwokozi angependezwa kutazama au kucheza mchezo huo pamoja nami. Ikiwa jibu ni hapana, ninaachana na maudhui hayo ya burudani, bila kujali umaarufu wake. Kuna michezo mingi mizuri ambayo ni yenye kuleta changamoto na ya kufurahisha na bado inamwalika Roho Mtakatifu kuwa nasi.”

Brigitte D., California, Marekani

Majibu yanakusudiwa kwa ajili ya msaada na mtazamo, si kama matamko rasmi ya mafundisho ya Kanisa.

Unafikiria Nini?

Nina miaka 16, na kila mtu anayenizunguka yuko katika uhusiano isipokuwa mimi. Ninajihisi mpweke. Je, napaswa kufanya nini?

Tuma jibu na picha yako kabla ya Februari 15, 2021.

Nenda kwenye ftsoy.ChurchofJesusChrist.org, bofya “Wasilisha Kazi Yako.” Ingia kwa kutumia Akaunti yako ya Kanisa kisha uchague “Kwa ajili ya Nguvu Kwa Vijana” kwenye sehemu ya “Chagua Jarida.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili lako. Au tuma barua pepe kwa [e-mail].