“Mafundisho na Maagano: Muhtasari,” Kwa ajili ya Nguvu Kwa Vijana, Januari 2021, 14–15.

Njoo, Unifuate

Mafundisho na Maagano: Muhtasari

Na Annelise Gardiner

Majarida ya Kanisa

Picha

Picha

Joseph Smith na Sidney Rigdon

Joseph na Sydney na Annie Henrie Nader

Ni nini?

Mafundisho na Maagano ni mkusanyiko wa ufunuo wa siku hizi kutoka kwa Mungu kupitia hasa kwa Nabii Joseph Smith. Wingi wa ufunuo huu ulitolewa kama majibu ya maswali ambayo Joseph na waumini wengine wa awali wa Kanisa walimuuliza Mungu.

Je, kwa nini kitabu cha Mafundisho ya Maagano kiliandikwa?

Katika siku za mwanzo za Kanisa, kulikuwepo na nakala chache tu zilizoandikwa kwa mkono kuhusu ufunuo huu. Mnamo 1831, viongozi wa Kanisa waliamua kuchapisha ufunuo kwenye Kitabu ya Amri. Katika mkutano uliofanyika mnamo Novemba 1831 ili kujadili Kitabu cha Amri, Joseph alipokea ufunuo ambao sasa ni sehemu ya 1, utangulizi wa Mafundisho na Maagano.

Mfuatano wa Matukio:

1823 Ufunuo wa kwanza ulirekodiwa: sehemu ya 2.
1833 Kitabu cha Amri kilichapishwa. Nakala kadhaa ndizo zilisalia baada ya mtambo wa uchapishaji kuvamiwa na genge. Vijana wawili, Mary Elizabeth na Caroline Amelia Rollins, waliokoa kurasa nyingi kadiri walivyoweza kisha wakajificha katika shamba la mahindi ili genge lisiwaone.
1835 Toleo la kwanza kuchapishwa kwa idadi kubwa. Lilikuwa na ufunuo wa ziada na jina lilikuwa limebadilika kuwa Mafundisho na Maagano.
1844 Toleo hili lilichapishwa muda mfupi baada ya Joseph Smith kuuawa kwa ajili ya imani yake, lilijumuisha ufunuo zaidi, pamoja na sehemu ya 135.
1847 Brigham Young alipokea maagizo kuhusu jinsi ya kuwapeleka Watakatifu magharibi: sehemu ya 136.
1876 Toleo hili liliongeza sehemu mpya zipatazo 26 na lilikuwa toleo la kwanza kugawanya sehemu kwenye vifungu.
1890 Wilford Woodruff alitoa Manifesto, iliyopelekea kukomeshwa kwa ndoa za wake wengi katika Kanisa (ona Tamko Rasmi la 1).
1918 Joseph F. Smith alishiriki ono lake kuhusu ulimwengu wa roho: sehemu ya 138
1921 Kuanzia toleo hili kuendelea, Mafundisho ya Imani hayakujumuishwa tena.
1978 Spencer W. Kimball alipokea ufunuo kuhusu ukuhani ambao ulikuja kuwa Tamko Rasmi la 2.
1981 Toleo hili lilitumia vichwa vya habari maalum na likaongeza marejeleo, pamoja na ufunuo zaidi.
2013 Toleo hili lilisasisha maelezo ya kihistoria kwenye vichwa vya habari.

Mafundisho

Mkusanyiko wa kwanza wa ufunuo ulijulikana kama Kitabu cha Amri. Mikusanyiko ya baadaye ilijulikana kama Mafundisho na Maagano kwa sababu ilijumuisha msururu wa mafunzo “kuhusu mafundisho ya kanisa,” yaliyojulikana kwa kifupi kama “mafundisho” (sasa yanajulikana kama Mafundisho ya Imani). Kuanzia toleo la 1921, Mafundisho ya Imani hayakujumuishwa tena, lakini jina Mafundisho na Maagano lilisalia.¹

Maagano

Sehemu iliyosalia ya kitabu ilijumuisha ufunuo ambao Joseph Smith alipokea. Sehemu hii ilijulikana kama “maagano na amri za Bwana” au “maagano” kwa kifupi. Watakatifu wa mwanzo walitumia neno “maagano” au “amri” kurejelea ufunuo huu aliopokea Nabii ili kutofautisha na maandishi mengine ya Joseph Smith, kama vile mahubiri yenye uvuvio na tafsiri zake za Biblia.²

Je, kwa nini kitabu cha Mafundisho na Maagano ni muhimu leo?

Kitabu cha Mafundisho na Maagano kina ufunuo wa Yesu Kristo kwa watu Wake. Kinatufunza kuwa Mungu anatufahamu kwa majina, Anasikia maombi yetu na anajibu maswali yetu, na kuwa Mungu bado anazungumza hadi hii leo. Pia kinafundisha mafundisho muhimu kuhusu mpango wa wokovu na kinatupatia utambuzi wa ziada kwenye Upatanisho wa Yesu Kristo. Kinafariji kwa kutuonyesha jinsi Mungu anavyotupenda na bado anatuita twende Kwake hata tunapokosea.