Misingi Imara

Kutetea Imani Yangu

Kielelezo na Luca Di Bartolomeo

Usiku mmoja nilikuwa pamoja na kundi la marafiki. Tulikuwa tukizungumza kisha wakaanza kupiga umbeya kuhusu marafiki zangu wengine ambao hawakuwepo. Sikufurahishwa na mambo waliyokuwa wakiyazungumza. Kisha nilipata ushawishi kutoka kwa Roho kuwa ninapaswa kutetea msimamo wangu wa imani.

Bila kusubiri zaidi, niliwaeleza kuwa sikufurahishwa na mambo waliyokuwa wakizungumza na nikawasihi wasifanye umbeya nikiwepo. Walisema hiyo ni sehemu ya maisha na hakukuwa na shida. Bila kuudhika na jambo hilo, nilisikiliza mtazamo wao halafu nikafafanua msimamo wangu wa imani. Kisha nikasimama na kuondoka.

Tukio la usiku huo lilinifanya nifikirie kuhusu mambo aliyopitia Joseph Smith. Wakati Joseph Smith alipopata mabamba ya dhahabu, alipitia mateso mengi. Bila kujali mateso aliyopitia, Joseph Smith bado alishikilia msimamo wake na hakutikisika. Mungu alikuwa pamoja na Joseph Smith na alimsaidia, nami pia nilijua kuwa Mungu alikuwa na mimi nilipotetea yaliyo mema.

Nilipoteza marafiki kadhaa usiku ule kwa kutetea imani yangu, na nilihuzunika. Lakini nilihisi amani na utulivu kwa kufanya yaliyo mema. Baadaye kidogo, rafiki yangu mmoja alinishukuru kwa kile nilichokifanya. Kwa sababu hiyo, nilipata tena urafiki na tukawa karibu zaidi kuliko awali.

Andrew F., Utah, Marekani

“Kumbuka kuwa Mwokozi alishuhudia, ‘Mimi ndiye nuru mtakayoifuata.’ Anatukumbusha kwamba Yeye ataleta nuru ikiwa tu tutawaelekeza wengine Kwake. …

“Wewe na mimi tuna nuru ya kutosha kushiriki sasa hivi. Tunaweza kuangaza kwenye hatua inayofuata ili kumsaidia mtu kumkaribia Yesu Kristo, na kisha hatua inayofuata, na inayofuata.”

Dada Bonnie H. Cordon, Rais Mkuu wa Wasichana, mkutano mkuu wa Aprili 2020 (Ensign au Liahona, Mei 2020, 80).