“Te Tembora ao Aan Maiun Tamneim,” Ibukin Kakorakoraia Kairake, Nob. 2022.
Te Tetere ni Moaningabongin te Tabati
Te Tembora ao Aan Maiun Tamneim
Te Rongorongo ae Kaeweaki
E Aki Kai Nanou, iroun Yongsung Kim
Te tabo are e kateaki iai te Salt Lake Tembora
N aron ae kam ataia, ti karaoa te onobwai iaon te Salt Lake Tembora ae kakannato rongorongona. …
Ti a kabanea ngkai ara konabwai ni mwakuri nakon te tembora ae kai rootaki aei, are e rikirake kai rootakina, bwa aana e na kona n tei ni kaitarai angibuaka aika a bon ririiki ni karokoa te Mireniam. N ai aron aei, ngkai bon te tai bwa ti na karini baike a na kona ni kateimatoai arora—tao baike ti bon tuai ni kabonganai mai imwaaina—ni kakorakorai aan maiun tamneira. Arora ni katauraoi ni kaitarai taai ni kangaanga.
Tariu ao mwaaneu, aikai bon boong aika kaitira. Ngkana I kona Ngai ma ngkami n totokoi kangaanga aika a na kaoti ao karawawata, bon ara mwakuri bwa ti riai ni karekea aara ae matoa aan maiun tamneira ae kateaki iaon te bwaa are ara Tia Kabooira, Iesu Kristo.
Ngaia are, I titirakini ngkami, a uara matoatoan aami? Ao tera ae e kainnanoaki ni kamatoatoakin am kakoaua ma am atatai ibukin te euangkerio?
Te tembora e boboto iaon kakorakoraakin ara onimaki ao kamanoan tamneira ibukina bwa te Tia Kamaiu ao Ana reirei bon aan raoi te tembora. …
Ngkana e tuai reke tangiran te kan nako n te tembora iroumi, kabatiaa riki nakomi—e na aki kee. Kariaia te Uea, rinanon Tamneina, n reireiningkami ao ni kaungai nanomi ikekei. …
Taiaoka kakoauai ngkana I taekinna ae ngkana kam katei maiun tamneimi iaon Iesu Kristo, kam na riai n aki maaku. Ngkai kam koaua nakon ami berita aika tabu ake kam karaoi n te tembora, kam na kakorakoraaki ni Mwaakana. Ngkanne, ngkana a kaoti taian mwaeiei n te maiu n tamnei, kam na kona n tei ni korakora ibukina bwa aan tamneimi a matoa ao n aki mwainging.