“Ma Mwaakan te Atua ao te Mimitong ae Korakora,” Ibukin Kakorakoraia Kairake, Nob. 2022.
Te Tetere ni Bwakantain te Kaonobong
Ma Mwaakan te Atua ao te Mimitong ae Korakora (1 Nibwaai 14:14)
Te Rongorongo ae Kaeweaki
Berita aika tabu, are ti karekei rinanon te otenanti n te nakoanibonga ae kariaiakaki, e kona ni kabaeira nakon te Uea Iesu Kristo ao oin te mwakuri aika a bon riai n te kamaiu ao te karietataaki ni iteran te rabuna aika uoua.
Te mwakuri ni mitinare ao te tembora ao rongorongon te utu a bane ni irekereke imarenaia ao a reitaki bwa mwakoron teuana te mwakuri ae korakora are e boboto iaon te berita ao otenanti aika tabu are e kariaira bwa ti na karekea mwaakan te aro n atua inanon maiura ao, n tokina, n oki nako matan Tamara are i Karawa. …
Ti katokaa amon te Tia Kamaiu iaora ngkai ti reirei iaon, kororaoi ni karekei, ao ni karinei berita ao otenanti aika tabu. Ti kabaeaki raoi nakon ao ma te Tia Kamaiu ngkai ti kakaonimaki n uring ao ni kekeiaki ni maiu ni kaineti ma ara motinnano ake ti a tia ni butimwaai. Ao te kabaeaki anne ma Ngaia bon oin te korakora n tamneira inanon nako waakin maiura. …
Berita aika a kabaeaki ao kakabwaia a kona n reke bon ti ibukin ara Tia Kamaiu, Iesu Kristo. E kaoira bwa ti na Taraia, n nakomai Nakoina, n reirei mai Irouna, ao ni kabaeira Nakoina rinanon berita ao otenanti aika tabu n Ana euangkerio ae kaokaki. I kakoaua ao ni berita bwa kawakinan berita aika tabu a karikiira bwa ti na tauraoi ma te raoiroi ma mwaakan te Atua ao te mimitong ae korakora. Ao I kakoaua bwa te Uea ae maiu Iesu Kristo bon ara Tia Kamaiu.