“Aran te Ekaretia E Tiku n Aki Kona ni Bitaki,” Ibukin Kakorakoraia Kairake, Nobembwa 2021.
Te Tetere ni Bwakantain te Tabati
Aran te Ekaretia E Tiku n Aki Kona ni Bitaki
Te Rongorongo ae Kaeweaki
N tain te marooro ma taan kareke rongorongo n Aokati 16, 2018, e taku Beretitenti Russell M. Nelson: “Te Uea e kaota nakoiu kakaawakin te ara are E anga ibukin Ana Ekaretia, are bon Ana Ekaretia Iesu Kristo ibukiia Aika Itiaki ni Boong aika Kaitira” [“The Name of the Church,” Aug. 16, 2018, newsroom.ChurchofJesusChrist.org]. …
E mwemwe te titiraki ae tamaroa: “E aera ngkai?” ngke i nanon tienture aika mwaiti ti a tia ni kariaia te ara ae “Moomon”? “Te Moomon Taebanako Kuaea,” te witeo ae e kaota “Ngai kaain te Moomon,” kunan te Moanrinan “Ngai bon te teinimwaane ae kaain te Moomon”?
Ana reirei Kristo e bon aki bibitaki ao akea tokina. Ma waaki aika a onoti n ana mwakuri te Tia Kamaiu a kaotaki n taia aika a riai. …
Ti kaitau ngkami ibukin am kekeiaki ae rine ni uotarake aran ni koaua te Ekaretia. …
Man korakoran te Uea e a tia naba ni karababaa ara kekeiaki n rinanon aara ake a tia n irekereke ma te Ekaretia. …
Iai ngaa ma ngaa Aomata aika a Itiaki ni Boong aika Kaitira aika a ninikoria n tataekina aran te Ekaretia. Ngkai ti karaoa bukinara, tabeman a na manga katotongiira. …
“Aran te Ekaretia e tiku n aki bitaki.” Ti na waakirake inanon te onimaki. Ngkana ti tauraoi n ira ana reirei te Uea n aron ae kaotaki rinanon Ana burabeti ae maiu, ai moarara riki ngkana e kaitara ma ara iango, e kantaninga te nano ni mamannei ao te anganano, e na kakabwaiaira te Uea ma rakan korakoran tamneira ao ni kanakoia Ana anera ni boutokaira ao ni mena irarikira. Ti karekea ana kamatoa te Uea ao Ana kariaia.