“Onimaki Riki,” Ibukin Kakorakoraia Kairake, Nobembwa 2022.
Te Tetere ni Bwakantain te Tabati
Onimaki Riki
Te Rongorongo ae Kaeweaki
Naati Mwaane aika Uoman aika a Bakatae, iroun Jorge Cocco
Ko a tia n namakinna ae kanga ko birinako man mweengam? N aron ae ririki, te birinako man te mweenga nanona te onimaki e a tia n taenako ke n uruaki—onimakinara, imarenara, ma te Atua. Ngkana e kangaanga te onimaki, ti aki ataia bwa ti na kanga ni manga onimaki riki.
Au rongorongo n te bong aei, okiran mweengam imwiin kitanakina, te Atua e na roko ni kaitibo mangaira. Irouna ti kona ni karekea te onimaki, ninikoria, wanawana ao te motinnano, ni manga onimaki riki. N aron anne, E bubutiira bwa ti na kateimatoa te ota iaora imarenara, bwa tina ikabwarabure ao ni kauarerekea motikan taekara imarenara, bwa e aonga Ana Ekaretia ni kona n riki bwa te tabo ae ti mweengaraoi iai, ngkana ti roko n te moan tai iai ke ti a oki.
Te onimakinaki bon te mwakuri n onimaki. …
Ti ataia bwa te kimwareirei ni kawain te Uea ni berita, ao wewete ni beku ibukina n Ana Ekaretia bon te kakao n namakina onimakinan te Atua ao ana tangira ibukira ao n tatabemaniira. …
E riki ni bwai te onimaki ngkana ti karaoi bwaai aika matoatoa ma te onimaki. Ibuobuoki ao anganano a rikirake korakoraia ao a kaitiaki naano. …
Ngkai arora n tatabemaniira a bon ataaki iroura, reirein te euangkerio ao te Tamnei ae Raoiroi a kona ni buokiira n ataia ngkana, ni kanga, ao nningai ae ti na manga onimakiniia riki iai tabeman. …
Onimakina te Atua ao Ana kakai. Ngaira ao arora n reitaki a kona ni bitaki. …
Mwanangara ni maiura e kaineti nakoira n tatabemaniira, ma ti kona ni manga oki riki nakon te Atua ao Natina ae Tangira rinanon onimakinan te Atua, onimakinara, ao bon ngaira.