“Te Aro n Tau Bon Tiaki ae A Na Akea Barekam,” Ibukin Kakorakoraia Kairake, Nob. 2022.
Te Tetere n Tairikin te Kaonobong
Te Aro n Tau Bon Tiaki ae A Na Akea Barekam
Te Rongorongo ae Kaeweaki
Tabeman a kairua ni karekea bwa te rairannano ao te bitaki aki kakaawaki. Ana rongorongo te Atua a bon kakaawaki. …
Tabeman a karekea te rongorongo bwa te rairannano bon te bwai ae karaoaki tii tetaina. Ana rongorongo te Atua, bon are e a tia n reirei Beretitenti Russell M. Nelson, “Te rairannano … bon te bwai ae na reitinako karaoana.” …
Tabeman a kairua ni karekea te rongorongo are a aki tau n irii waakin nako te euangkerio ibukina bwa a tuai ni kabanei ni kanakoi anua aika a buakaka. Ana rongorongo te Atua bwa te kororaoi bon tiaki ae a na akea barekam. Te kororaoi bon kakaraoan te kokoaua ao te kekeiaki. Ti riai ni kokoaua ma te Atua, taan kairiiri n te nakoanibonga, ao tabeman ake a tangiriira, ao ti riai ni kataia ni kawakin ana tua te Atua ao n aki bwarannano ibukina bwa ti karaoi buure. …
Tabeman a kairua ni karekean te rongorongo are te Atua e tataninga ni ibuobuoki imwiin are ti rairi nanora. Ana rongorongo te Atua bwa E na buokiira ngkana ti rairi nanora. …
… Ana akoi tiaki te kanuanga ibukiia aika a tau. Bon te “ibuobuoki mai karawa” ae E anga are e na buokiira ni kona n tau. Bon tiaki te kanuanga nakoia aika raraoi. Bon te “korakora n te entaumente” are E anga are e buokiira ni kona n raoiroi. Ti aki ti nakonako ni kaineta te Atua ao Kristo. Ti nakonako ma Ngaiia. …
… Ngkana ko namakinna bwa ko kabwaka n taai aika mwaiti n am kekeiaki, uringa Ana Mwakuri ni Kamaiu Kristo ao ana akoi a karikia bwa ko bon konabwai. “Baina ao [ana] nanoanga a aroraki nako imi.” [3 Nibwaai 9:14]. Kam tangiraki—n te bong aei, inanon 20 te ririki, ao n aki toki.