“Ana Tangira te Atua,” Ibukin Kakorakoraia Kairake, Nob. 2022.
Te Tetere ni Moaningabongin te Kaonobong
Ana Tangira te Atua
Te Rongorongo ae Kaeweaki
Tamara are i Karawa e tangiriira n ae moan te bati ao ae kororaoi. …
Iesu Kristo ma te Tama a tibwaua te tangira ae kororaoi aei. …
Te tangira mai karawa aei e na anganiira te karaunano ae bati ao te onimaki ngkai ti tataro nakon te Tama n aran Kristo. …
…Tabeman a taneiai n taekinna, “Te Tia Kamaiu e tangirai n arou aei,” ao anne e bon koaua. Ma E aki kona n ana temannna nakon Abanueana n arora ae ngkai, “bwa akea te bwai ae bareka ae kona ni maeka ikekei, ke ni maeka i matana.” [Mote 6:57]. …
… Imwiin kamatatakina bwa E aki kona ni kariaia te bure naba teutana, te Uea e kakoaua nakoira:
“E ngae n anne, ane e raira nanona ao ni karaoi ana tua te Uea e na bon kabwaraaki ana bure. ” [Reirei ao Berita aika Tabu 1:32]. …
Ara aro bon tiaki te aro ae ko na kataniko iai ke te aro ni kororaoi, ma te aro ni kabooi maiura—kamaiuaki rinanon Iesu Kristo. …
E a tia n rang n anaaki nanou, ao n namakina naba, nanoia n tangira ana burabeti te Atua n aia kauring ibukin te bure. A aki kaungaaki n te nano ni kamaraia. Nanoia ni koaua e kaota ana tangira te Atua; ni koauana, bon ana tangira te Atua. …
N ataakina bwa te Atua e tangiriira n ae kororaoi, ti kona n titirakiniira i bon iroura, “Mwaitira tangiran te Atua irou? E kona ni katan iaan au tangira ngkai I katan iaan Ana tangira?” …
I kaota au kakoaua ni koauan Tamara are i Karawa ao te Tia Kabooira, Iesu Kristo, ao Aia tangira ae teimatoa, n aki bwaka.