“Kaoa Kristo bwa E Na Korea Am Karaki,” Ibukin Kakorakoraia Kairake, Nobembwa 2022.
Te Tetere ni Moaningabongin te Tabati
Kaoa Kristo Bwa E Na Korea Am Karaki
Te Rongorongo ae Kaeweaki
I kakoaua bwa te Tia Kamaiu bon “te tia karika ao te tia karokoa n te toki ara onimaki.” [Ebera 12:2]. Ko na kaoa bwa e na riki bwa te tia korea ao te tia kabanea am karaki? …
Te kantaninga iaon te moan tua iaon taekan te rinerine, e kariaira bwa tina korea oin ara karaki—Tawita e na kaman okira mweengana, ni kawakiniia ana tiibu. Ma Iesu Kristo e tauraoi ni kabonganaira bwa bwaai ni mwakuri ibukina, kanga ai aron bentira aika kakang are taua I Baina, ni korea ana karaki! …
… Ma karimoaan te Atua bwa e na riki Ngaia bwa te tia korea ao te tia motika ara karaki, e kainnanoira bwa ti na kawakin Ana tua ao berita ake ti a tia ni karaoi mangaia. Bon man teimatoan kawakinan tua ma berita ae ngaia ae e na kauka te reitaki ibukira bwa tia aonga ni karekei kaotioti mai iroun te Tamnei ae Raoiroi. Ao rinanon ana mwakuri te Tamnei ae ti na kona n namakina bain te Mwatita ae tabe ni korei ana karaki ma ngaira. …
Bukin tera ti tangira te Tia Kamaiu bwa e na riki bwa te tia korea ao te tia motika ara karaki? Bukina bwa E atai raoi ara konabwai, E na uotira nakon taabo aika ti tuai man iangoi i bon iroura. E kona ni karikiira bwa ai Tawita ke Etita. E na karikirakeira ao ni kaitiakiira bwa ti aonga n riki n ai Arona. Bwaai ake ti karekei man ara onimaki korakora e na bon karikirakea ara onimaki iroun Iesu Kristo. …
A na motikaki taekara man ara boki ni kamaiu. Ti kona n rineia bwa ti na korea te rongorongo ibukira ae kakukurei. Ke ti kona ni kariaia te Mwatita bwa e na korea ao ni motika ara karaki, ni kariaia bwa te tibwanga are E tangiriira bwa ti na karaoia e na kona n riaon bwaai ake ti kantaningai i bon iroura.
Karika Kristo bwa tei tia karika ao te tia motika am karaki!