“Ana Tangira te Atua: Te Kabanea ni Kakukurei nakon te Tamnei,” Ibukin Kakorakoraia Kairake, Nob. 2022.
Te Tetere ni Bwakantain te Kaonobong
Ana Tangira te Atua: Te Kabanea ni Kakukurei nakon te Tamnei
Te Rongorongo ae Kaeweaki
Ti kona n katamneia ana tangira te Atua bwa te oota man te kai ni kamaiu, are e ootanako nakon te aonaba nako nanoia natiia aomata. Ootan te Atua ao Ana tangira a ootanako man Ana karikibwai ni kabane.
N tabetai e kairua ara iango are ti taku bwa e na tii kona n reke namakinan ana tangira te Atua imwiin iriirakin te kai te biti ao ni kana uaan te kai ni kamaiu. Ana tangira te Atua, e aki tii reke irouia naake a nakon te kai ni kamaiu ma bon te korakora are e kaungaira bwa ti na ukoukora te kai ni kamaiu anne. …
E aki reke ana tangira te Atua ni baike a riki i nanon maiura, ma i nanon maekana i nanon maiura. Ti ataa Ana tangira ngkana ti karekea te korakora ae riaon are mai iroura ao ngkana Tamneina e uota te rau, te mweeraoi, ao kairakira. Iai tabetai ae e kangaanga namakinan Ana tangira. Ti kona n tataro bwa a na kaukaki matara n nora Baina inanon maiura ao n nora Ana tangira n tamaroan Ana karikibwai.
Ngkai ti karaua n iangoa kamaiun te Tia Kamaiu ao Ana anga karea ae akea tiana, ti na nora Ana tangira ibukira. …
I kaota au koaua bwa ara Uea ma ara Tia Kamaiu e bon mate ibukira n tatabemanira. Bon kaotan Ana tangira ae akea tiana ibukira ao ibukin Tamana are i Karawa. …
Ti bia kaukii nanora ni butimwaea te tangira ae kororaoi are e katauraoia te Atua ibukira ao n tibwa nako te tangira anne ni baike ti karaoi.