“Nakomai nakon Kristo ao Tai Roko n tii Ngkoe,” Ibukin Kakorakoraia Kairake, Nob. 2022.
Te Tetere ni Moaningabongin te Kaonobong
Nakomai nakon Kristo ao Tai Roko n tii Ngkoe
Te Rongorongo ae Kaeweaki
E a tia n rereke iroum te namakin n ae ko kakaaenako, n iangoia ngkana Tamam are i Karawa e bon kinako ao tao E kainnanoiko? Kairake aika kam tangiraki, ao bon ngkami ni kabane, I kakoaua bwa te kaeka eng! Iai Ana Babaire te Uea Ibukim E a tia te Atua ni katauraoiko ibukin te bong aio, te tai aio, n riki bwa te korakora ao te kairoro ae tamaroa ibukin Ana mwakuri ae korakora. Ti kainnanoiko! E na bon aki rangi nii kakawaki ana mwakuri ngkana akea ngkoe! …
… Nakomai Nakon Kristo. Nakomai ngkai, ma tai roko n tii ngkoe! …
Uringa, te kawai ae tamaroa n ibita te aonaaba bon katauraoan te aonaaba ibukin Kristo man kaoakiia aomata ni kabane bwa a na Iriiria. …
E atai rawawatara ao korakaira ao e wewete, Kanakomaiia ake a raraoma, nanokawaki, a kua, ake a kamoamoa ao n aki ota te aba irouia, ake a maroaa, ke “ake a karawawataki n aekaia nako.”
… Antai ae N na kairia nakon Kristo? Antai ae kona kairia? …
… Ataeinnaine ao ataeinimwaane, waaki ngkai, ni mweengaami. …
Ai mimitongira te tai are tina mwakuri iai ibukin Kristo!
Eng, kam mena ikai ibukin te bwai ae kakaawaki. I reita are iroun Beretitenti Nelson, are e taku: “Te Atua e kainnanoiko bwa kona bita te aonnaaba. Ngkai ko butimwaia ao n iriira Ana kantaninga ibukim, ko na konaa ni katiai bwaai aika a bon kangaanga aron karaoaia!” [Russell M. Nelson, Accomplishing the Impossible: What God Does, What We Can Do (2015), 147].