“I Tataro bwa E na Kabonganaira,” Ibukin Kakorakoraia Kairake, Nob. 2022.
Te Tetere n Tairikin te Kaonobong
I Tataro bwa E na Kabonganaira
Te Rongorongo ae Kaeweaki
Ana Ekaretia Iesu Kristo iai tibwangana are e anganaki mairoun te Atua bwa e na tararuaia aika kainnano. Bon teuana te boua n te mwakuri ni kamaiu ao te karietataki. …
Te Ekaretia e kaeka nakon tibwangana are e anganaki mairoun te Atua ni kawai aika a rang bati, n raonaki ma:
-
te mwakuri n ibuobuoki are ti karaoia rinanon te Bootaki n Aine, kooram n te nakoanibonga, ao kiraati;
-
te aki mamatam ao kabonganan angabwai n aki mamatam;
-
tabo ni man ao tabo ni karao tin n amwarake;
-
tienta ni butimwaai ibukiia ake a boou n te aba;
-
burokuraem n ibuobuoki ibukiia ake n te o ni kaikain;
-
mwakuri n ibuobuoki ibukiia aomata nako man te Ekaretia;
-
ao te JustServe app, are e karekeia taan ibuobuoki nakon tibwangaia n ibuobuoki.
Ngkai e raka iaon 1,500 te karikirake ibukin te COVID-19 are bon boton te ibuobuoki n te Ekaretia inanon te maan ae 18 namwakaina, te Ekaretia e kaeka naba nakon 933 angibuaka aika riki ao kangaanga irouia taan birinako man aba aika 108 mwaitiia. …
N taekinan ana ibuobuoki te Ekaretia nakoia aomata, Unimwaane Jeffrey R. Holland e taekinna n te taina: “Tataro a kaekaaki … n angiin te tai … iroun te Atua man kabonganakiia aomata tabeman. Eng, I tataro bwa E na Kabonganaira” [“Neonatal Resuscitation with Elder Holland” (video), The Church of Jesus Christ of Latter-day Saints, Nob. 10, 2011, youtube.com]. …
Tariu ao mwaneu, rinanon ami mwakuri n ibuobuoki, anganano, ami tai, ao ami tangira, kam a tia n riki bwa kaeka nakon tataro aika a mwaiti. Ma a rang mwaiti riki aika a na karaoaki. Ngkai kain te Ekaretia aika a tia ni bwabetitoaki, ti mena iaan te berita bwa tina tararua ibukiia ake a kainnano. Ara mwakuri n tatabemaniira e aki kainnanoa te mwane ke tabo aika raroanako; a bon kainnanoa ana kairiiri te Tamnei ae Tabu ao te nano ae tauraoi ni kangai nakon te Uea: “Aio Ngai, kanakoai.”[Itaia 6:8].