“Ana Tangira te Atua,” Ibukin Kakorakoraia Kairake, Nob. 2022.
Te Tetere ni Moaningabongin te Tabati
Kanakoraoira ni Katoabong
Te Rongorongo ae Kaeweaki
E aki kakaongora bwa a kona bwaai aika uarereke aika aki kakawaki ni kona ni karika te bitaki inanon maiura? …
Angiin bitaki ni maiura n tamnei—aika nakoraoi ao nakobuaka—a riiriki, teutana imwiin teutana. …
…Bon iai iroura kanikina ake ti tatarai ni kaekaeta iai kawaira.
Ao tera taiani kanikina aikai?
Ni koauana ao e airi ma te tataro ni katoabong ao iangoan nanon booki aika tabu ao ni kabonganai bwaai ake a na kona ni kairiira n aron Nakomai, Iriirai. Ni katoa bong, ti kona n tataro nakon te Atua ma te nanorinano ao te nano ae koaua. Ti kona n iangoi ara mwakuri ao n rinanoi bwaai ake a riki n ara bong—n iangoi ara kantaninga ao baike ti tangiri ni kaineti ma Nanona. …
Iangoia bwa kaanga bon manga, am rairannano ni katoa bong. Inanon mwanangara ni kawain te raoiroi, ti ataia ae e rangi bebete arora n otinako man kawaira. N ai aron kairua aika uarereke ake a kona ni kairiira nako man kawain ara Tia Kamaiu, bon ti te arona naba ma arora ni karaoi mwakuri aika bebete e na bon kona ni manga kaokiira nakoina. …
…Ti kona ni kakaea kawaira n oki rinanon roon te kataaki n te maiu aei ao ni manga karekea kawaira n okira Tamara are i Karawa ngkana ti ukorii ao ni butimwaai kanikina ake E a tia ni katauraoi, ti maiuakin kaotioti ake bon ibukira, ao n teimatoa n raira maiura ni katoa bong. Aio arora are ti kona n riki iai bwa taan iriira ara Tia Kamaiu, Iesu Kristo.