“Te Bwai ae te Kabanea ni Kakannato,” Ibukin Kakorakoraia Kairake, Nob. 2022.
Te Tetere ni Moaningabongin te Kaonobong
Te Bwai ae te Kabanea ni Kakannato
Te Rongorongo ae Kaeweaki
Ngkana ana tangira te Atua ti bwainna i nanon maiura, n ara reitaki i marenara ao n tokin ara taratara i bukia aomata ni kabane, e na mauna te waaki ni kakaokoroaki, te kataorikaki, ao te kaokoroaki n te katei ma rabakau aika a boou, ao e rikirake te rau. …
E koaua, ti taekinna ikai te moan tua ae moan te korakora are e anganaki te utu—n tangira te Atua ma nanora ae bwanin, n akea te tabwarabwara ma iangoana riki, ao anne, ma nanora ni kabane, te mwaaka, te iango ao te korakora. Tangiran te Atua bon te moan korakora n tua n te aonaaba. Ma te moan korakora n koaua n te aonaaba bwa e tangiriira te Atua n te kawai raoi anne—te nano ae koaua, n akea te nanououa ke te boraraoi, ma nanona, mwaakana, ana iango, ao korakorana. Ao ngkana e katiteuanaki nanora ma Nanona n akea ae tianaki, e na iai te korakora ae bati mai iroun te Tamnei ae Raoiroi. …
Ao ngkanne, tii ngkana e riki aei, are ti a kona iai ni karaoa nanon te kauoua n tua ae korakora n te aro ae e aki kewe ke ni kabwarabae. Ngkana e tau ara tangira nakon te Atua ni kakaonimaki ni koaua nakoina, E na anganiira te rabakau, te konabwai, ao arora n tangiriia kaain rarikira ao n tangiriira boni iroura. Ao tao ti na kona ni manga kangai, “E koaua bwa bon akea riki te botanaomata n ai aroia ae a kukurei i buakoia aomata nako ake a karikaki ni bain te Atua.” [4 Nibwaai 1:16].