“E Bon Tamaroa—Tamaroa man Bebete,” Ibukin Kakorakoraia Kairake, Nobembwa 2022.
Te Tetere ni Bwakantain te Kaonobong
E Bon Tamaroa—Tamaroa man Bebete
Te Rongorongo ae Kaeweaki
Karekean te maiu are akea tokina, ti riai “nakomai nakon Kristo, ao ni kakororaoaki irouna” [Moronaai 10:32]. Ngkana ti nakon Kristo ao ni buokiia tabeman bwa a na karaoia naba, ti buoka Ana mwakuri Te Atua n te kamaiuaki ao te karietataaki, are e boboto iaon katabeaki aika bebete ake a rineaki mairoun te Atua. Katabeaki aikai a kaboraoaki ma kiingin te nakoanibonga are e kaokaki iroun Mote, Eritaia, ao Eria, are e koreaki n te ka 110 ni mwakoro n Reirei ao Berita aika Tabu, ao te kauoua n tua ae te kabanea ni korakora are e anganiira Iesu Kristo n tangiriia raora n ai aron tangirara i bon iroura. A kuneaki inanon te kauoua n iteraniba n te Aeniboki ni Kabutaae manga kaboouaki ae tauraoi ibukiia membwa ni kabane. …
-
Maiuakinan ana euangkerio Iesu Kristo
-
Tararuakiia naake iai kainnanoia
-
Kaoakiia ni kabane bwa ana karekea te euangkerio
-
Katiteuanakiia utu n te maiu ae akea tokina
Kam na kona n norii n aron ae I norii: kanga ai aron maben te kawai n okira Tamara are i Karawa ae tatangira. …
E a kaman taekinaki bwa ana euangkerio Iesu Kristo “e bon tamaroa e tamaroa man bebete.” Te aonaaba e aki. E kamangaongao, e kangaanga, ao ni kaonaki n te kiriwe ao te kauntaeka. Ti kakabwaiaaki ngkai ti kamwakura te taratara raoi n aki kariaia te kangaanga, are e riiriki n te aonaaba, ni kamangaoa arora ni butimwaea ao ni maiuakina te euangkerio. …
… Ti riai ni bane ni kataia ni kabebetea te euangkerio—inanon maiura, n ara utu, n ara kiraati ao kooram, ao n ara uoote ao n ara titeiki.