“Ana Nanoanga te Tia Kamaiu ae Akea Tokina,” Ibukin Kakorakoraia Kairake, Nob. 2022.
Te Tetere ni Moaningabongin te Kaonobong
Ana Nanoanga te Tia Kamaiu ae Teimatoa
Te Rongorongo ae Kaeweaki
Teuana te reirei ae moan te kakawaki are e reiakinaki iroun te Tia Kamaiu iaon te aba bon tabeakinaia tabeman ma te nanoanga. …
… E mwakuri te Tia Kamaiu ma te nanoanga nakoia ni kabane ake a Nakoina—n akea te kakaokoroaki—ao riki naake a rangi ni kainnanoa Ana ibuobuoki. …
… Kaotan te nanoanga nakoia tabeman, ni koauana, e boboto n ana euangkerio Iesu Kristo ao ni kakoauaki ni maiura n tamnei ao n namakin ni kaan riki nakon te Tia Kamaiu. …
… A mwaiti aomata inanon ara kamronron aika ti kona ni buokiia aika a ukoukora te karaunano, te tararuaki, raonakiia, ao ibuobuoki n aekaia nako are ti kona n anganiia. Ngaira ni kabane ti kona n riki bwa bwaai ni mwakuri ni bain te Uea ao ni karaoi mwakuri n nanoanga nakoia ake a kainnano, n ai aron are e karaoia Iesu. …
Ti aki riai ni motiki taekaia kaain rarikira ibukina bwa ti bane ni kainnanoa te atatai ao te nanoanga ibukin aki kororaoira n ana tangira Tamara are i Karawa. …
Raou aika tangiraki, I kakoaua bwa ngkai ti kataia ni karekea ana banna ni katooto n nanoanga te Tia Kamaiu inanon maiura, ara kona ni kamoamoa raoiroiia ake irarikira e na rikirake ao arora ni motikitaeka n aroia n aki kororaoi e na keenako. Ara reitaki nakon te Atua e na rikirake, ao n tokina maiura e na rikirake ni karewerewe, ara namakin e na tatangira riki, ao ti na karekea te kakukurei ae akea tokina. Ti na kinaaki bwa taan raoi,are a beebete ana taeka n aron ranin te karaanga ni moaningabongin te tiburing.