“Te Onimaki ni Bubuti ao Ngkanne Karaoana,” Ibukin Kakorakoraia Kairake, Nob. 2022.
Te Tetere n Tairikin te Kaonobong
Te Onimaki ni Bubuti ao Ngkanne Karaoana
Te Rongorongo ae Kaeweaki
Aron karekean te kaotioti mairoun te Atua e tuai ni bitaki man ana bong Atam ao Ewa. E teimatoa n titebo ibukiia ni kabane ana toro te Uea ake a weteaki man te moan tai ni karokoa boong aikai. Bon titebo ibukimii ao ibukiu. E karaoaki n tainako man kamwakuran te onimaki. …
… Iai ami titiraki aika kam kakaei kaekaia. Iai ami onimaki ae tau ni kantaningaia bwa kam na karekei kaeka mairoun te Uea rinanoia Ana toro. E na bon aki reke am tai n titiraki ni kabaibati ibukin karekean kaeka mairouia taan taetae, ma kam kona n titirakina Tamami ae tatangira inanon te tataro.
I ataia man te bwai are I rinanona bwa kaeka a na roko ni bootau ma kainnanom ao am katauraoi n te maiu n tamnei. …
Ngkana am onimaki iroun Iesu Kristo e a tia ni karika kamarauan nanom rinanon Ana Mwakuri ni Kamaiu, ko na kona riki n namakina ana wirikiriki te Tamnei ni kaekaan am tataro. …
Ngkai ara onimaki iroun Iesu Kristo e na kairiira bwa tina butiia te Tama ibukin kaekaan ara titiraki, te onimaki anne e na uota naba te Tia Kamaiu ni kamaraui nanora bwa tina ongo Ana kaetieti ao n nanomatoa ao ni kukurei n ongeaba. …
“Bon au koaua bwa te atibu are ti tei iaona bon te kakoaua bwa Iesu bon te Kristo; aio Ana Ekaretia are E boni kairia; ao Beretitenti Russell M. Nelson bon Ana burabeti ae maiu ni boong aikai. …
I tataro bwa kam na karekea naba te kakoaua anne.