“Ko Tangirai Riki Nakoia Uakai?,” Ibukin Kakorakoraia Kairake, Nob. 2022.
Te Tetere n Tairikin te Kaonobong
“Ko Tangirai Riki Nakoia Uakai?”
Te Rongorongo ae Kaeweaki
Ko titiraki bwa tera ae nanonna Iesu n ana titiraki nakon Betero ae “Ko tangirai riki nakoia uakai?” [Ioane 21:15]. …
Tao a anganira te kimwareirei bwain nako te aonnaba aei, te kukurei, ao te rau are e anga te Tia Kamaiu nakoia Ana reirei ao are E anga nakoira? Bon tii Ngaia ae kona n anganira te kimwareirei, te kukurei, ao te rau rinanon kaotan ara tangira nako Ina ao iriiran Ana reirei. …
Ngkana e rababa riki ara atatai n te titiraki aei, ti na karekea te tamaroa nakoia kaain ara utu, kaain rarikira, aomata, kaain te Ekaretia, ao natin te Atua mwaane ma aiine. …
E rangi n tangirira Tamara are i Karawa n te aro are E katauraoa Ana babaire ni kamaiu ao te Tia Kamaiu bon botona. …
…Ti riai ni kakoaua Iesu ao ana babaire ni kakukurei te Atua. Te aro n kakoaua bon tangiran ao iriran ara Tia Kamaiu ao kawakina tuua, i nanon te kataaki ma te kangaanga. …
Ti riai n aki kakea ara tangira ma ara onimaki iroun Iesu, e boni ngae ngke e taraa ni matoatoa. A bon aki kona ni mwaninga taekara Tamara are i Karawa ao Iesu. A tangirira. …
Ti riai n uringnga n tainako bwa te kukurei ni koaua e reke man ara reitaki ma te Atua, ao Iesu Kristo, ao boni imarenara.
Teuana te kawai are ti kaota iai ara tangira man reitakira ma ara koraki, raoraora, ao kaain rarikira ni karaoi baika a uarereke n ibuobuoki imarenara. Karaoi bwaai ake a na karaoiroa riki te aonnaba.
Tera bwaai ae ko kona ni karaoi inanon maium ni kaotia bwa e moanbwai tangiran te Atua iroum?