Maswali na Majibu

Sina mambo mengi yanayofanana na watu wa kikundi changu cha vijana. Ninawezaje kuhisi kuunganika nao zaidi?

“Sisi sote ni watoto wa kiroho wa Baba yetu wa Mbinguni na, kama ndivyo, sisi ni kaka na dada. Tunapokuwa na ukweli huu katika mawazo yetu, kuwapenda watoto wote wa Mungu kutakuwa rahisi zaidi.

Rais Thomas S. Monson (1927–2018), “Upendo—Kitovu cha Injili,” mkutano mkuu wa Apr. 2014 (Ensign au Liahona, Mei 2014, 91).

Kumfikia Yule Mmoja

“Nahisi kuunganika zaidi na wengine ninapojaribu kwa bidii kuutumia muda wangu pamoja na kila mmoja wao, na sio katika mazingira ya kikundi pekee. Kama ukitaka kumpata mtu mnayeendana, mfikie mtu anayeonekana kama anamhitaji rafiki. Yawezekana ukaishia kuwa mwenye kufaidika zaidi kuliko wao!

Latyanna P., umri miaka 17, Singapore

Shiriki Mambo Unayopenda

“Watu wengi katika kikundi changu cha vijana wana vitu tofauti wavipendavyo. Napenda kuwauliza wao kuhusu mambo wayapendayo kwa sababu hiyo inaonyesha kuwa ninawajali. Hii inawapa nafasi wao ya kuniuliza kuhusu mambo niyapendayo pia. Kuunganika na watu huhitaji muda—usichoke!”

Erin F., umri miaka 18, Utah, Marekani

Tafuta Hoja Inayokubaliwa na Wote

“Kama unataka kuwa na uhusiano wa karibu zaidi na kikundi chako cha marafiki, tafuta mambo mazuri, yenye maana ambayo mnaweza kufanya kwa pamoja, hata kama wao ni wachache. Unaweza kutafuta jambo ulipendalo au la kupitisha muda ambalo nyote mtalifurahia. Omba msaada kutoka kwa Baba wa Mbinguni, na Yeye atakupa mwongozo wa kiungu.”

Carla V., umri miaka 12, Peru

Tambua Vyema Tofauti Zenu

“Kadiri ninavyotumia muda zaidi na watu wa kikundi changu cha vijana, ndivyo ninavyopenda zaidi kitu cha kipekee kuhusu wao! Ninajifunza jinsi ya kuwahudumia vyema, kitu ambacho kinanisaidia mimi kuwa karibu zaidi na wao na kwa Yesu Kristo. Sisi sote ni watoto wa Baba yetu wa Mbinguni, hivyo tunayo mengi yanayofanana kuliko tunavyofikiri.

Sarah M., umri miaka 16, Utah, Marekani

Jaribu Mambo Mapya

“Jitahidi kuwa rafiki na endelea kuongea nao. Endelea kujaribu mambo mapya ili kuwajumuisha wengi zaidi Mvulana mmoja katika kata yetu hakika hapendi michezo, lakini daima anacheza nasi. Kisha tunafanya vitu anavyovipenda, kama vile mitego ya mazingaombwe au kurusha karata. Kujaribu vitu vipya ni njia nzuri ya kuhisi kuunganika.”

Jarren M., umri miaka 17, Nova Scotia, Kanada

Majibu yanakusudiwa kwa ajili ya msaada na mtazamo, si kama matamko rasmi ya mafundisho ya Kanisa.

Wafikie Wengine

Mfikie na msaidie mtu katika kikundi chako cha vijana ambaye wakati huu anahitaji msaada. Tunapojaribu kuwa mfano wa upendo wa Mwokozi, itatusaidia sisi kuwa wenye kuunganika zaidi kwa kila mmoja.

Joshua C., umri miaka 20, Faleniu, Samoa ya Kiamerika

Kuwa Kile Ulicho

“Kadiri muda unavyopita yawezekana ukayapata mambo mliyonayo yanayofanana, lakini yawezekana siyo papo hapo. Kwa wakati huu, unaweza kuunganika kupitia shughuli ambazo zinafanyika katikati ya wiki. Furahia shughuli! Chagua kushiriki na uwe kile ulicho!”

Hannah W., umri miaka 18, Nova Scotia, Kanada

Unafikiria Nini?

“Wakati mwingine nafikiri wazazi wangu wanazidisha ukosoaji juu yangu. Ningewezaje kujibu kwa heshima?

Tuma jibu lako na picha kabla ya Februari 15, 2022.

Nenda kwenye ftsoy.ChurchofJesusChrist.org na bofya “Wasilisha Kazi Yako.” Ingia kwa kutumia Akaunti yako ya Kanisa kisha uchague “Kwa Ajili ya Nguvu kwa Vijana” kwenye sehemu ya “Chagua Gazeti.” Bofya “Ongeza Faili” ili uchague faili na picha zako, kisha ubofye “Wasilisha” ili upakie na utume faili lako. Au tuandikie barua pepe kwenye [e-mail].

Majibu yanaweza kuhaririwa kwa ajili ya urefu au ufafanuzi.