Winim Wol ia mo Faenem Pis
Samfala Pat
Hem I Stap Lidim Mi, i kam long Yongsung Kim
?Wanem i minim blong winim wol? I minim blong winim temtesen blong kea moa abaot ol samting blong wol ia bitim ol samting blong God. I minim blong trastem doktrin blong Kraes moa bitim save blong man. … I minim blong jusum blong stap longwe o no tajem ol samting we i ronemaot Spirit. …
?Olsem wanem nao, yumi winim wol? … Evri taem yu lukaotem blong mo folem smol voes blong Spirit, evri taem yu mekem wan samting we i gud—ol samting we “man we i folem fasin blong wol” i no save mekem, yu stap winim wol. …
Nao, taem yumi winim wol, ?olsem wanem nao i blesem laef blong yumi? Ansa hem i klia: Blong go insaed long wan kavenan rilesensip wetem God i fasemtaet yumi wetem Hem long wan wei we i mekem evri samting abaot laef i kam moa isi. Plis yu no andastanem mi rong: Mi no talem se taem yumi mekem kavenan i mekem laef i kam moa isi. Be, save se i gat oposisen oltaem, from se enemi i no wantem yu blong faenemaot paoa blong Jisas Kraes. Be blong putum yok blong yu long Sevya i minim yu gat raet long paoa blong Hem mo paoa we i pem praes. …
… Mi stap plis wetem yufala naoia—blong tekem responsabiliti long testemoni blong yufalawan long Jisas Kraes mo gospel blong Hem. Wok from. Fidim blong bae i gro. Fidim wetem trutok. …
Taem yu letem God i win long laef blong yu, mi promes long yu bae yu kasem bigfala pis, tras, glad, mo yes, spel.