“Tanem Nogud I Kam Gud: Rod Ia blong Kasem Hiling Tru long Fasin blong Fogiv—Samfala Pat,” Blong Ol Yut Oli Kam Strong, Novemba 2022.
Tanem Nogud I Kam Gud: Rod Ia blong Kasem Hiling Tru long Fasin blong Fogiv
Samfala Pat
Mo Mi Bin Tekpat, i kam long Kristin Yee
Yumi no stap yumiwan blong stretem ol risal blong ol aksen blong ol narawan, yumi tu i save kam gud fulwan mo gat janis ia blong save sef long wan strong hat mo eni aksen we bae i kam afta.
Lod i nidim yumi blong fogiv, blong gud blong yumiwan. Be Hem i no askem yumi blong no yusum help blong Hem, lav blong Hem, mo andastaning blong Hem. Tru long ol kavenan blong yumi wetem Lod, yumi wanwan i save kasem moa paoa, gat fasin blong lid, mo help we yumi nidim blong tugeta, fogiv mo kasem fogivnes. …
Hem i talem, “Spirit blong Lod i kam fulap long mi blong mi talemaot gud nius long ol puaman. Hem i sanem mi blong hilim ol hat we i brokbrok, blong prijim fridom long ol man we oli stap long kalabus mo hilim olgeta we oli blaen, mo mekem olgeta we oli stap harem nogud from wan i mekem nogud long hem oli go fri” [Luk 4:18; oli ademap long italik].
Long olgeta we hat blong olgeta i brokbrok, oli prisena, oli kasem kil, mo ating oli no luksave samting from harem nogud mo sin, Hem i givim hiling, blong kam oraet bakegen, mo kam fri. Mi testifae se hiling ia we Hem i givim i tru. …
Jisas Kraes Hem i Mesaea blong yuwan, Hem i Ridima mo Sevya we i lavem yu, mo i save wanem ol krae blong hat blong yu. Hem i wantem yu kasem hiling mo glad. Hem i lavem yu. Hem i krae wetem yu long harem nogud blong yu mo i glad blong mekem yu kam gud evriwan. Bae yumi tekem hat mo han blong Hem we i fulap wetem lav we i open oltaem, taem yumi wokabaot long rod blong hiling mo fogivnes.