“Helpem Ol Pua mo Man we I Fesem Hadtaem—Samfala Pat,” Blong Ol Yut Oli Kam Strong, Novemba 2022.
Helpem Ol Pua mo Man we I Fesem Hadtaem
Samfala Pat
Plante welfea mo yumaniterian seves long ol narafala man, Jos Ia blong Jisas Kraes blong Ol Lata-dei Sent mo yumi ol memba blong hem i tijim mo praktisim. Eksampol,yumi livim kakae long evri fas Sandei blong manis mo givim smol kakae we yumi no kakae blong helpem olgeta we oli stap long nid insaed long kongregesen blong yumiwan. Jos tu i mekem ol bigfala kontribusen blong yumaniterian mo ol nara seves truaot long wol.
Nomata long evri samting we Jos i mekem i go stret, ol man mo oganaesesen we oli no gat stret koneksen wetem Jos blong yumi nao oli mekem plante long ol yumaniterian seves ia i go long ol pikinini blong God raon long wol. …
Jos Ia blong Jisas Kraes i stap givim seves fulwan long olgeta we i stap long nid mo tu blong wok wan wetem ol nara man long efot ia. …
Revelesen blong tedei i tijim se Sevya blong yumi Jisas Kraes i “tru laet we i saenem evri man we i kam long wol ia”[Doktrin mo Ol Kavenan 93:2]. From hemia, evri pikinini blong God i kasem insperesen blong givim seves long Hem mo wanwan long olgeta folem hamas save mo paoa we oli gat. …
I soem tu se moa long yumi i mas luksave ol gud samting we ol nara man i mekem mo sapotem olgeta taem yumi gat taem mo ol saplae blong mekem hemia. …
Mi testifae abaot Jisas Kraes, we laet mo Spirit blong Hem i gaedem evri pikinini blong God blong helpem ol pua mo ol man we oli fesem hadtaem truaot long wol.