“Stap Fidim mo Serem Testemoni blong Yu—Samfala Pat,” Blong Ol Yut Oli Kam Strong, Nov 2022.
Fidim mo Serem Testemoni blong Yu
Samfala Pat
?Mi Mi Save mo Andastanem Wanem Hem i wan Testemoni?
Testemoni blong yu hem i wan spesel samting we yu gat wetem yu, we plante taem i kam wetem ol dip filing long saed blong spirit. Ol filing ia oli kam long wan kwaet wei mo oli tokbaot se hem i olsem wan “kwaet smol voes.” [1 King 19:12]. Hem i bilif blong yu o save blong yu long trutok we i kam olsem wan witnes long saed blong spirit tru long paoa blong Tabu Spirit. …
?Mi Mi Save Olsem Wanem blong Serem Testemoni blong Mi?
Yu serem testemoni blong yu taem yu serem ol filing long saed blong spirit wetem ol narafala man. Olsem wan memba blong Jos, yu gat ol janis blong serem testemoni long ol sakramen miting o long taem we yumi storian wetem famli, ol fren, mo ol narafala man.
Narafala wei we yu serem testemoni blong yu hem i tru long stret mo gud fasin. …
Ol memba blong Jos oli stanap olsem ol witnes blong God long evri taem mo long evri samting, mo long evri ples. Ol janis blong mekem hemia long intanet, taem yumi yusum ol topik blong yumiwan o serem topik we narafala man i rere long hem blong i leftemap tingting blong narafala man, i nogat en blong hem. …
?Wanem Nao Ol Samting We i Stap Stopem Mi blong Serem Testemoni blong Mi?
Ol samting we i stap stopem yu blong serem testemoni blong yu i save ol taem we yu filim se yu no save wanem blong talem. …
Wan nara samting we i stap stopem yumi … hem i fraet. …
… Blong gat fet … bae i mekem yu save winim ol filing ia. …
?Olsem Wanem Nao Mi Kipim Testemoni blong Mi?
Mi biliv se wan testemoni i wan impoten samting insaed long yumi, be, blong kipim mo mekem i gro, Alma i bin tijim se yumi mas “givim gudfala kaekae mo lukaot gud long hem [luk long Alma 32:37]. …
Ol brata mo sista blong mi we mi lavem tumas, mi promes se taem yu andastanem fulwan wanem hem i wan testemoni, mo taem yu serem, bae yu winim ol samting we oli stap blokem yu blong no save wanem blong talem mo fraet, bae i mekem se yu save fidim mo lukaot gud mo kipim spesel samting we yu gat ia, we i testemoni blong yu.