“Stap Luksave Jisas Kraes Moa long Laef blong Yumi—Samfala Pat,” Blong Ol Yut Oli Kam Strong, Nov. 2022.
Stap Luksave Jisas Kraes Moa long Laef blong Yumi
Samfala Pat
Blong helpem yumi stap tingting mo tekem stret rod, Sevya i invaetem yumi blong lukluk ol laef blong yumi tru Hem blong yumi save luk moa Hem long ol laef blong yumi. …
Olsem wan we i stap folem gospel longtaem, mi fas long plante we oli bin luk ol jenis long fasin blong mi, ol praktis, mo ol joes blong mi afta we mi bin joenem Jos. …
… Wetem kea mo traehad blong lukluk long mo from Jisas Kraes long evri tingting mo wok, ol ae blong mi i givim moa laet mo andastaning long mi blong luksave se Jisas Kraes i bin stap singaotem mi blong “kam long Hem.” …
Mi bin lanem afta, olsem mi save naoia se Sevya Jisas Kraes i lidim ol leg blong yumi i go long ol mitinghaos evri wik blong tekpat long sakramen blong Hem, i go long haos blong Lod blong mekem ol kavenan wetem Hem, i go long ol skripja mo ol tijing blong ol profet blong lanem ol toktok blong Hem. Hem i lidim ol maot blong yumi blong testifae abaot Hem, ol han blong yumi blong leftemap mo givim seves olsem we Hem i leftemap mo givim seves, ol ae blong yumi blong luk wol mo wanwan long yumi olsem we Hem i mekem—“ol samting olsem we oli rili stap, mo … olsem we bae oli rili stap.” [Jekob 4:13]. Mo taem yumi letem Hem i lidim yumi long evri samting, yumi kasem testemoni se “evri samting i soem se i gat wan God,” [Alma 30:44], from wea ples we yumi lukaotem Hem bae yumi faenem Hem.