“Doktrin Blong Stap Pat—Samfala Pat,” Blong Ol Yut Oli Kam Strong, Novemba 2022.
Doktrin Blong Stap Pat
Samfala Pat
Mi laekem blong tokbaot wanem mi singaotem doktrin blong stap pat insaed long Jos Ia blong Jisas Kraes blong Ol Lata‑Dei Sent. …
… Yumi no save letem blong spolem kala blong skin blong man, traeb o ol narafala samting we bae i seraotem yumi i stap insaed long lata-dei Jos blong Kraes. …
Filing ia blong stap pat hem i impoten long saed blong bodi, tingting mo gud blong spirit. Be, hem i posibol se wanwan taem yumi filim se oli no wantem yumi. …
Yumi letem jajmen ia i go long han blong Lod mo long olgeta we hem i jusum mo stap glad blong lavem mo tritim gud moa wanwan long yumi long wei we yumi save mekem. …
Long nambatu saed blong doktrin blong stap pat i blong mekem kontribusen blong yumiwan. Samtaem yumi no tingting tumas long hem, plante long filing blong yumi blong stap pat i kam tru long ol seves mo ol sakrifaes blong yumi we yumi bin mekem blong ol narafala man mo blong Lod. …
Las mo impoten samting blong doktrin blong stap pat hem i stamba rol blong Jisas Kraes. Yumi no joenem Jos blong jos yumiwan, impoten olsem we i stap. Yumi joen blong sevem yumi tru long lav mo gladhat blong Jisas Kraes. Yumi joen blong sevem ol odinens, blong sevem man mo kam olsem god blong yumiwan mo olgeta we yumi lavem long tugeta saed blong vel. Yumi joen blong tekpat long wan bigfala projek blong putum bak Saeon blong rere blong taem Lod i kambak.